1709 Jan Bjedrich Langa: Serbski farar a přełožowar

januara">9. januara 1709 w Smělnej, † 13. nowembra 1757 w Bukecach) bě serbski ewangelski farar a přełožowar nabožinskeho pismowstwa.

Narodźi so jako syn Smělnjanskeho fararja Jana Langi a młódši bratr Jana Balthasara Langi a wopytowaše wot 1721 do 1728 Wjerchowsku šulu w Mišnje. Wot 1728 do 1730 studowaše w Lipsku teologiju a bě z čłonom tamnišeho Serbskeho prědarskeho towarstwa. Po studiju dźěłaše najprjedy jako domjacy wučer w Jězoru a nastupi w lěće 1732 swoje prěnje farske městno w Rychwałdźe jako naslědnik swojeho bratra. Slědowaštej Wóspork (1734–1739) a Bukecy, hdźež wot 1739 hač do swojeje smjerće w lěće 1757 skutkowaše.

Langa přełoži a wuda zhromadnje ze swakom Janom Gotttrauom Běmarjom z Budestec, Hadamom Bohuchwałom Šěrachom z Budyšinka a Jurjom Mjenjom z Njeswačidła Lutherowu Domjacu postilu (Budissin 1751).

Bě zmandźeleny z dźowku Jana Běmarja, z kotrejž měješe mjez druhim syna Jana Bjedricha.

• (z Hadamom Bohuchwałom Šěrachom, Janom Gotttrauom Běmarjom a Jurjom Mjenjom): Teho woßebneho Muża Bożeho, D. Mertena Luthera, Domjaza Postilla, aby: Wukladowanja tych Szenjow nawschitke Nedzelje, Roczne Czaße.... Serbski přełožk Lutheroweje domjaceje postile, Budyšin, 1749

• Rudolf Kilank: Langa, Jan Bjedrich [1]. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 330