Hołbjacy rupač (Scabiosa columbaria) je rostlina z podswójby drapalcowych rostlinow (Dipsacoideae) znutřka swójby kozylistowych rostlinow (Caprifoliaceae).
Ilustracija hołbjaceho rupača (Scabiosa columbaria) | |
systematika | |
---|---|
Domena | Eukaryoty |
Swět | Rostlinstwo |
Euasteridy II | |
rjad: | (Dipsacales) |
swójba: | Kozylistowe rostliny (Caprifoliaceae) |
podswójba: | Drapalcowe rostliny (Dipsacoideae) |
ród: | Rupač (Scabiosa) |
družina: | Hołbjacy rupač |
wědomostne mjeno | |
Scabiosa columbaria | |
L. | |
Hołbjacy rupač je trajne zelo, kotrež docpěje wysokosć wot 25 hač 60 cm a šěrokosć wot hač do 1 m.
Stołpiki su zwjetša hałuzkowe a wjacehłójčkowe.
Na spódku stejace łopjena su zwjetša njerozdźělne. Delnje łopjena su jednorje abo dwójce našćěpany. Stołpikowe łopjena su přećiwostejne.
Kćěje wot julija hač nowembra. Stołpikate kćenja docpěja wulkosć wot něhdźe 3,5 cm a steja w płonych, 1,5-3,5 cm šěrokich, połkulowatych hłójčkach, kotrychž nakromne kćenja su wjetše. Stołpiki su šwižne, zrunane a kosmate. Keluch njesu ćěmne seršće z dołhosću wot 3 hač 5 mm. Króna je módrolila abo wioletna, docpěwa dołhosć wot 1,8 cm a ma pjeć rozdźělnje dołhich kónčkow.
Rosće na słónčnych, suchich trawnikach, suchich łukach a mjezach. Ma radšo skerje suche, zwjetša wapnite, njehnojene pódy.
Rostlina je w južnej Skandinawiskej, srjedźnej a južnej Europje rozšěrjena.
This article uses material from the Wikipedia Hornjoserbsce article Hołbjacy rupač, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.