Hajno Rizo: Serbski farar a basnik

junija">20. junija 1873 w Strjažowje, † 16. decembra 1917 w Choćebuzu) běše serbski ewangelski farar a składnostny basnik.

Hajno Rizo narodźi so jako syn wučerja Mata Riza, kotryž jeho w prěnich šulskich lětach tež wuwučowaše. Mjez 1884 do 1890 wopyta wón gymnazij w Choćebuzu. Chorosće dla pak dyrbješe wukubłanje přetorhnyć, tak zo wopyta hakle wot 1891 do 1893 znowa gymnazij w Frankobrodźe nad Wódru. Po tym studowaše Hajno Rizo teologiju w Berlinje a Hali a powoła so 1901 do Janšojc, hdźež skutkowaše z nim po 17 lětach zaso serbski farar. Tu woženi so zdobom z Helenu Gerstenbergojc z Inowrocławja, z kotrejž měješe tři dźěći. W lěće 1911 bu do najwjetšeje delnjoserbskeje wosady w Bórkowach powołany. Hajno Rizo dyrbješe so choreje wutroby dla hižo někotre razy w kupjelach lěkować, schori pak jutry 1917 krućišo a zemrě w Choćebuskej chorowni.

Rizo běše čłon delnjołužiskeho młodoserbskeho hibanja a spisa někotre basnje, kotrež so w Pratyji a Bramborskim Casniku wozjewichu. Wón zasadźi so za wudawanje cyrkwinskeje nowiny Wosadnik a za wuchowanje serbskeje rěče w zjawnym žiwjenju.

• Bogumił Šwjela: Nekrolog LXXXII. W: Časopis Maćicy Serbskeje. Lětnik 70 (1917), str. 67–69. (hsb.)

• Gerat Hančka: Rizo, Hajno. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 473.