Habla (regionalnje šiška) je žónske kwětnistwo a z jeje so wuwiwace symjenstwo koniferow (Coniferales) a wólšow (Alnus).
Ma formu kłosy, kotrejež wóski a nošne łopješka su drjewjane. Drjewjane nošne łopješka su krywne šupizny hable, mjeztym zo so kćenja jako symjenjowe šupizny jewja. W zrałosći symjenja zwjetša sedźa na suchich drjewjanych šupiznach.
Hable na rozdźělne wašnje na hałuzach štomow sedźa. Při jědlach (Abies) zruna steja, mjeztym zo při šmrěkach (Picea) wisaja.
Někotre hable za čas zrałosće rozpadnu, na př. při jědlach, mjeztym zo při druhich družinach jako cyłk wot štoma wotpadnu, na př. při šmrěkach.
Při jałorcach (Juniperus) ale tež druhich družinach swójby cypresowych rostlinow (Cupressaceae) mjasne šupizny symjenja wobdadźa, při čimž symjenjowe šupizny su z krywnymi šupizny zrosćene.
Při swójbje Cephalotaxaceae njejsu žane symjenjowe šupizny widźomne.
This article uses material from the Wikipedia Hornjoserbsce article Habla, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.