Christian Felber (* 9.
decembra">9. decembra 1972 w Solnohrodźe) je awstriski uniwersitowy lektor, rejwar, knihowy awtor, swobodny publicist a referent wo prašenjach hospodarstwa a towaršnosće. Wón je załoženski čłon globalizowanskokritiskeho hibanja Attac w Awstriskej, iniciator „Demokratiskeje banki“ (němsce „Demokratischen Bank“) a wunamakar „ekonomije powšitkowneho dobra“ (němsce „Gemeinwohl-Ökonomie“).
Zakładne daty | |
datum narodźenja: | 9. decembra 1972 |
městno narodźenja: | Solnohród |
Felber studowaše we Wienje a Madridźe romanisku filologiju a španišćinu jako hłownej fachaj ale tež politisku wědomosć, psychologiju a sociologiju jako pódlanske fachi. Wón dokónči swój studij w lěće 1996 z magistrom w romaniskej filologiji. Wot toho wón dźěła jako swobodny awtor. Felber je aktiwny z lěta 2000 při attac w Awstriskej, hač do lěta 2003 bě w předsydstwje a hač do lěta 2004 rěčnik; aktualnje je rěčacy. W nazymje lěta 2008 bywaše Christian Felber lektor na Uniwersiće za hospodarstwo Wien.
Felber bě dnja 31. Oktobra 2008 (Reformaciski dźeń) nimo Frank Crüsemann, Ulrich Duchrow, Heino Falcke, Kuno Füssel, Detlef Hensche, Siegfried Katterle, Arne Manzeschke, Silke Niemeyer, Franz Segbers, Ton Veerkamp a Karl Georg Zinn prěni podpisar namołwy Měr z kapitalom? Namołwa přećiwo přiměrjenju ewangelskeje cyrkwje na móc hospodarstwa (němsce Frieden mit dem Kapital? Ein Aufruf wider die Anpassung der evangelischen Kirche an die Macht der Wirtschaft.)
W lěće 2009 je wón pohibowansku załožbu Awstriska (němsce Bewegungsstiftung Österreich) załožował, W lěće 2010 iniciěrowaše projekt „demokratiskeje banki“ (němsce „Demokratischen Bank“). Hromadu z kołom wjacorych předewzaćelow a předewzaćelkow wuwiwaše Felber model „ekonomije powšitkowneho dobra“ (němsce „Gemeinwohl-Ökonomie“, jako teoretisku alternatiwu k kapitalistiskemu wikowemu hospodarstwu a k centralnemu planowemu hospodarstwu.
W lěće 2010 bu na iniciatiwje časopisa LEBENSART k Nachhaltigen Gestalter 2010 z wobłuka ciwilneje towaršnosće woleny ale tež wot Public Relations Verband Austria k Kommunikator des Jahres 2010 nominowany (jedyn z třoch nominowanjow).
Nimopowołansce Christian Felber je z lěta 2004 tež načasny rejwar, mjez druhim při rejowanskim lěću (němsce Tanzsommer) w Graz a Z Cie. Willi Dorner.
This article uses material from the Wikipedia Hornjoserbsce article Christian Felber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.