Železniska čara Budyšin–Wojerecy (čo.
6579) bě pódlanska čara w Sakskej, kotraž wjedźeše w Hornjej Łužicy z Budyšina přez Njeswačidło a Rakecy do Wojerec. W lěće 2001 je so železniski wobchad na čarje zastajił.
Budyšin–Wojerecy | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Čarowe čisło: | 6579 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Čarowa dołhosć: | 36,81 km | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Kolijowy wotstawk: | 1435 mm (Normalne kolije) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Maksimalne chilenje: | 12 ‰ | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Minimalny radius: | 300 m | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Najwyša spěšnosć: | 50 km/h | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Twarske dźěła na čarje zahajichu so w awgusće 1889 a 2. decembra 1890 zahaji so prěni wotrězk mjez Budyšinom a Rakecami. Politiskich problemow dla – Wojerecy słušachu tehdy kaž cyły sewjer Hornjeje Łužicy do Pruskeje – a njewěstosćow nastupajo planowanje nowych čarow na pruskej stronje njemóžachu druhu połojcu čary do 1905 twarjeć. W měrcu 1905 podpisa so statne zrěčenje mjez woběmaj krajomaj, w kotrymž so natwarjenje wotrězka z Rakec do Wojerec wobzamkny. Čara zahaji so dnja 1. oktobra 1908.
W NDRskich časach zrealizuje so wot 1959 do 1961 přidatny direktny zwisk mjez Budyšinom a Grodkom wuchodnje Wojerec. Wosobowy wobchad na starym wotrězku přez Kulow so dnja 26. meje 1968 zastaji. Kónc 1973 započachu z wottwarjenjom kolijow.
Po tym wužiwaše wšón wobchad nowu čaru přez Hórnikecy, tež spěšniki mjez Budyšinom a Berlinom.
Dla niskich ličbow pućowacych so wosobowy wobchad na cyłej čarje dnja 30. meje 1999 doskónčnje zastaji. Najwjetši dźěl čary je so mjeztym wottwarił.
This article uses material from the Wikipedia Hornjoserbsce article Železniska čara Budyšin–Wojerecy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.