Tanni

Ii game ke Fiji ke Hindustani logan khele hai. Ii game ke jorra me nai to tiin log ke team me khela jaawe hai.

Isme patta ke kimat ii rakam se hai:

Patta	Kimat
	6
	5
	3
	2
	1
	1

Iske matlab ii hai ki patta ke puura kimat 18 × 4 = 72 hai.

Chhe jan waala game

Ek, ek kar sab player ke chaar patta baata jaawe hai.

Chaar jan waala game

Ek, ek kar sab player ke chaar patta baata jaawe hai, aur bol ke baad dui aur patta ke baata jaawe hai.

Player log right ke bagal se ii batae hai ki uu log ketna point banai. Iske 45 se suruukar ke paanch se jaada karaa jaawe sake hai. Sab se jaada bet 72 hai. Iske alawa jorri aur tanni ke bhi bet karaa jaawe sake hai. Antar ii hai ki, sab se jaada boli waala agar ji ek number (45 - 72) banae ke batais tab jiite pe uke 1 point milii aur haare pe 2 point haari. Jorri bet ke jiite pe 2 point mili aur haare pe 4 point haari. Tanni jiite pe 3 point mile aur haare pe 6 point haara jaawe hai. 6 point ke jhandi (flag) bhi bola jaawe hai.

Ii baat yaad rakhe ke chaahi ki jorrii aur tanni ke banae ke khatir sab haanth jiite ke parrii.

Player jon ki sab se jaada bet kare hai, ek patta ke niche rakhe hai jon ki turup rahe hai. Aur koi nai jaane hai ki kon chij turup hai. Jab ek player ke lage chaal waala paata nai hai aur uu turup jaane maange hai tab, iske kholawe sake hai. Iske baad uu suit turup ke rakam kaam me lawa jaawe hai. Turup khole se pahile agar ii suit ke khela gais hoi tab uu turup nai rahaa.

Sab haanth khele ke baad patta ke value ginaa jaawe hai.

Ek player jis ke chaal hai, agar sure hai ki uu last hanth khele se pahile sab haanth ke jiit li, "chaal jorri" bol ke aapan bet ke uppar kare sake hai.