Fiji me football (soccer) ke 18th Inter-district Championship (IDC), Bank Holiday ke time, etwaar 31 July aur sombaar 1 August 1955 me Ba ke Rarawai Ground me khela gais rahaa.
Dui saal ke baad ii IDC me Labasa aur Taveuni fir se khelin aur ek nawaa team aur Tailevu North pahila dafe IDC me khelis. Ii IDC me gyarah team hissa liin rahaa.
Khel ke jankari | |
---|---|
Home team | Ba |
Tarik | 31 July, 1 August |
Ground | Rarawai Ground (in Ba host cities) |
Aakhri natija | |
Champions | Rewa (6th title) |
Runner-up | Lautoka |
Tournament ke ankrra | |
Achchhaa khilaarri | Kuar Battan Singh (Rewa) |
← 1954 IDC 1956 IDC → |
Pahila round, jon ki etwaar ke khela gais rahaa me Lautoka, Nadi ke 5-1 se harais (referee: H.P. Sharma), Suva, Nadroga ke 6-1 se haraie (referee: S. N. Sharma) aur Ba, Tailevu ke 10-0 se harais (referee:Mohammed Ishaq). Rewa aur Naitasiri ke game nai hoe sakaa kahe ki Naitasiri championship me nai pahuche sakis.
Duusra round, jon ki etwaar ke khela gais rahaa me Lautoka, Tavua ke 4-0 se harais (referee:Gulab Khan), Ba, Navua ke 1-0 se harais (referee: Hari Pal), Labasa, Rakiraki ke 3-0 se harais (referee: J.K. Gopal) aur Rewa, Suva ke 3-2 se harais (referee:S.M. Singh.
Semi finals me Rewa, Labasa ke 4-0 se harais (referee:H.P. Sharma) aur Lautoka, Ba ke 3-1 se harais (referee: Gulab Khan).
Final ke game Rewa aur Lautoka ke biich me bhais aur Rewa, Lautoka ke 2-1 se harae ke Lloyd Farebrother Trophy ke 6th time jiitis. Rewa ke Kuar Battan Singh achchha khel dekhaes. Ii game ke referee rahaa S.M. Singh aur Ba ke District Officer, Mr Hill, trophy ke present karis rahaa.
This article uses material from the Wikipedia Fiji Hindi article Inter-District Championship (Fiji) 1955, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.