Fiji 1938 Inter-District Championship
Fiji me football (soccer) ke pahila Inter-district Championship (IDC), Fiji Indian Football Association suruu hoe ke ek din baad, 9 October aur 10 October 1938 ke Suva ke Albert Park me khela gais rahaa. Ii championship me paanch team: Suva, Rewa, Lautoka, Ba aur Levuka khele rahin.
 Fiji Football Association ke logo | |
| Khel ke jankari | |
|---|---|
| Home team |  Suva |
| City | Noumea |
| Tarik | 9, 10 October |
| Teams | 5 |
| Ground | Albert Park |
| Aakhri natija | |
| Champions |  Rewa (1st title) |
| Runner-up |  Ba |
| Tournament ke ankrra | |
| Khela gais game | 4 |
| Goal banawa gais | 27 (6.75 per match) |
| Achchhaa khilaarri | Dr, Eapon (Ba), S. Singh (Rewa), Shakur (Ba) |
1939 IDC → | |
Pahila round
Pahila game Ba aur Lautoka ke biich me khela gais. Lautoka pahila dui goal banais, lekin Ba ke "maro aur daurro" ke style, Lautoka ke set style ke upset kar diis aur Ba ii rakam se chaar goal banais. Lautoka ke kharab defence bhi uu logan ke haare ke ek kaaran rahaa. Akhri goal rahaa Ba - 4 aur Lautoka - 3.
Semi final
Pahila semi-final Suva aur Rewa ke biich me khela gais. Rewa pahila dui goal banais lekin Suva iske baad dui goal banae ke full time talak game ke barabar kar diis. Extra time me Rewa 3 - 2 se jiit gais.
Duusra semi-final Ba aur Levuka ke biich me khela gais. Ii game ke Ba muskil se 3 -2 se jiit liis.
Final
Final me, Ba aapan team me Dr Eapon, jon ki Europe me soccer khelis rahaa, ke khelais. Ba achchha khelis lekin aakhir me Rewa 3 - 2 se Lloyd Farebrother Trophy ke pahila jiite waala team banaa. Rewa khatir goal banae waala rahis S. Singh, jon ki Rewa ke tiino goal banais aur Ba khatir goal banae waala rahin Shakur aur Dr Eapon
Aur dekho
References
- The Rec.Sport.Soccer Statistics Foundation
- Mohit Prasad, Sixty Years of Soccer in Fiji: 1938 - 1998, Fiji Football Association, Suva, 1998
This article uses material from the Wikipedia Fiji Hindi article Inter-District Championship (Fiji) 1938, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.