Taveuni Mill Holmhurst
Holmhurst Mill ek ganna ke pere waala mill rahaa jiske Taveuni, Fiji ke Vuna Point ke lage 1883 me banwa gais rahaa.
Itihaas
Fiji me Taveuni Island ke Vuna Point ke lage 1873 me Sydney ke ek wakiil, W. W. Billyard, 960 bigha ke ek jaiin kharidis rahaa, jisme kapaas bowaa jaawat rahaa. 1881 me ganaa bowe aur pere ke khatir ek company, W. W. Billyyard and Company ke register karaa gais rahaa aur 500 bigha me ganna boe ke suruu kara gais. April 1882 me mill banae ke suruu karaa gais jon ki 15 March 1883 me pere se suruu karis. Ii property me dher pakki line bichawa gais rahaa aur ingin se ganna waala gaarri ke khicha jaawat rahaa. Ii estae ke aur barrhawa gais aur dher sudhar karaa gais rahaa
8 May 1884 ke mill ke saathe puura estate ke beche ke kosis karaa gais lekin ek partner ke caveat lagae ke kaaran ii nai bikaa. 1885 me ii mill ke administration ke fir se badla gais aur iske Taveuni Sugar Company aur Holmhurst Sugar Estate ke naam se jaana jaawat rahaa. 1890 me J. M. Borron ( jon ki Mago Island Company me pahile rahaa)ii mill ke manager rahaa aur iske aur barrhaes rahaa.
1896 me ii mill ke finance kare waala, Bank of New Zealand, kuchh taakliif me parra aur ii mill ke beche k kosis karis lekin koi kharide waala nai milaa. January 1897 ii mill ke band kar dwa gais. II time ii 1200 ton chini banwat rahaa. II estate ke ek parrosi, J. V. Tarte ke, December 1897 me, bech dewa gias jon ki isman nariyal boe lagaa. 1907 me Tart ke estae me pakki line rahaa jon ki saait Holmhurst estae se aais rahaa.
Aur dekho
Granth suchi
- Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 5-10. ISBN 0-908573-50-2.
References
This article uses material from the Wikipedia Fiji Hindi article Holmhurst (Taveuni) Mill, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.