Lettyr X

She lettyr Romanagh bun-chooish y duillag shoh. My ta sym ayd ayns keeall elley yn 'ockle shoh, lhaih x (reddaghey).

X - Romanagh
Shennaghys as aase
Egyptagh
Feaneeckagh
Xi Greagagh
Chi Greagagh
Etruscagh
Cosoylaghey
Roonagh	Coptagh	Kyrillagh
Troyn
Rhank 'syn abbyrlhit:	25
Feeu earrooagh:	10 (Romanagh)
Keealyn
Çhengoaylleeaght: 'syn ASE, corockle /x/ ny [x] Maddaght: Cowrey yl-raghey (x, X) Maddaght: Cowrey cadjin son ceaghlagh gyn enney Cowrey cadjin son paagey

Va ny shenn Ghreagee cliaghtey rish screeu y dhossan corocklagh /ks/ myr Chi (Greagish heear) ny Xi (Greagish hiar). Fy-yerrey, ren ad briwnys son Chi myr /k^h/ (/x/ ayns Greagish yeianagh as Xi myr /ks/. Agh va ny h-Etruscee er ngoaill X jeh shenn Ghreagish heear, myr shen, va X cowraghey /ks/ ayns Etruscish as Ladjyn.

Cha nel fys ain my va Chi as Xi nyn ynlaghtyn Greagagh, ny my va bun Semetagh oc. Va Chi soit faggys da jerrey yn abbyrlhit Greagagh, as shen cowraghey dy row eh noa, foddee. Chammah's shen, cha row lettyr Semetagh erbee as eshyn çheet er /ks/. Ta eie cadjin ayn dy row Samekh Feaneeckagh (as eshyn çheet er /s/) bun Xi. Foddee dy row jalloo-ocklyn Egyptagh jeh colloo Djed bun Hamekh, agh cha nod shin gra dy shickyr.

Cha nel X mastey lettyryn abbyrlhit ny Gaelgey, agh t'eh ry-akin ny keayrtyn, ny yei shen ayns enmyn joarree, chammah's ayns maddaght as oaylleeaght.

Ayns Unicode, ta X mooar ec U+0058 as x beg ec U+0078.

Ayns ASCII, ta X mooar ec 88 as x beg ec 120. Ayns earrooyn jeesoil, shen 01011000 as 01111000.

Ayns EBCDIC, ta X mooar ec 231 as x beg ec 167.

Ayns HTML as XML, ta X mooar ec "X" as x beg ec "x".