Enceladus: Eayst Harn

T'eh mysh 500 km (310 meeilaghyn) er crantessen, ny mysh un jeihoo Titan, eayst Harn smoo. Ta Enceladus coodit liorish rio glen oor, as kyndagh rish shen she eshyn nane jeh ny corpaneyn smoo aahoilshagh ayns Corys ny Greiney. Rere shen, cha nel çhiassid yn eayst ec munlaa roshtyn agh −198 °C (75.1 K; −324.4 °F); shen çhiassid ta foddey ny s'feayrey na corpane sollys-hooagh. Dyn bwooise da'n mooadys beg echey, shimmey troyn fishigagh eaghtyragh t'er Enceladus, voish shenn ardjyn feer howallagh dys thallooyn aachummit tectoanagh.

Enceladus
Sorçh	eayst Harn as eayst chadjin
Feddynit magh ec	William Herschel
Date feddyn magh	Luanistyn 28, 1789
Epennym	Ἐγκέλαδος Egkelados
Moir-red	Sarn
Fysserree fishigagh
Essyl lieh-vooar a	237,948 km
Corrid e	0.0047
Amm cruinlagh P	1.37 d
Cleayn i	0.009 °
Troyn fishigagh as rollageagh meadragh
Craue raadeeoil	252.1 km
Mooadys baghtal (V)	11.8
Glout	108,043,390,000,000,000,000 kg
Thummid	67,113,076 km³ 1.370218 d
Albedo	1.375 (albedo towse-oaylleeagh)
Çhiassid eaghtyragh	mooad sloo   mean   mooad smoo 32.9 K   75 K   145 K
Aeraght	Co-heiy 91% gaal ushtey 4% neetragien 3.2% daa-ocseed charboan 1.7% meetane

Va Enceladus feddynit magh er 28 Luanistyn 1789 liorish William Herschel, agh s'goan y fys v'ayn er derrey hiauill y daa haagh spoar Voyager, Voyager 1 as Voyager 2, shaghey Sarn ayns 1980 as 1981. Ayns 2005, ren y saagh spoar Cassini shiaulley shaghey faggys da Enceladus, anchoodaghey eaghtyr as çhymmyltaght yn eayst as taishbyney ny smoo sonreeaghtyn. Ren Cassini feddyn magh dossanyn va lhiggey magh voish ard poullagh y jiass. Ta volcaanyn feayrey faggys da ard y jiass lhiggey magh skiootyn dy ghaal ushtey, hiddragien co-vreneenagh, so-ghaalee elley, as stoo creoi, goaill stiagh cloreed hodjum as floagyn rioee magh 'sy spoar, gollrish geeser, er 200 kilogramyn (440 puint) 'sy tootçhey. Ta ny smoo na 100 geeseryn er ny ve feddynit magh. Ta cooid jeh'n ghaal ushtey shen tuittym sheese myr "sniaghtey"; ta'n chooid elley scapail as cur rish y stoo ta jannoo yn chooid smoo jeh fainey E Harn. Er lesh sheanseyryn NASA, s'cosoylagh co-heiy ny dossanyn as co-heiy comaidyn. Ayns 2014, ren NASA fogrey magh dy dooar Cassini feanish bentyn rish keayn fo-hallooinagh d'ushtey fliugh ec ard y jiass as eh mysh 10 km (6 mi) er çheeid. Voish y fogrey magh shen, ta sheanseyryn er ny yannoo clowanyn maddaghtoil as coipyn jeh'n cheayn.

Ta baghtyn ny geeseryn shen, chammah as feddynys çhiassid sthie ta scapail as tiarkaght tuill wuillee ayns ard poullagh y jiass, taishbyney dy nee corpane bio dy creg-oaylleeagh eh Enceladus. Gollrish ram eaystyn elley ayns coryssyn lheeadagh ny foawir ghas, ta Enceladus goit ayns aavuilley cruinlagh. Ta'n aavuilley echey rish Dione cur bree rish e chorrid chruinlagh. Ta'n chorrid shen mooghit liorish forsaghyn tidee, çhiow yn çheusthie echey dy tidee as greesaghey yn gastey creg-oaylleeagh.

• Rolley volcaanyn neuhallooinagh

 

Ta tooilley mean ayns Wiki Commons bentyn rish: Enceladus.

• Atlas Enceladus (Boaldyn 2010) jeant ass jallooyn Cassini
• Google Enceladus 3D, atlas eddyr-obbragh yn eayst