Prof.
Dr. Ing. H. Bacharuddin Jusuf Habibie, FREng (pilotutu to Parepare, Sulawesi Selatan, 25 Juni 1936 - yilate to Jakarta, 11 September 2019, uumuru 83 tawunu) yito Presiden Republik Indonesia ta otoluliyo. Tiyo lodihu jabatan botiye to'u te Soeharto lotowuli to jabatan presiden tanggal 21 Mei 1998. To'u diipo lowali presiden, B.J. Habibie lodihu jabatan Wakil Presiden hihewoliyo duulo hula wawu pitu huyi. Tiyo lodihu jabatan Presiden ngotaawunu wawu limo lohula, lowali presiden Indonesia ta limbu-limbu'a masa jabataniliyo wawu diyalu wakililiyo.
Dr. Ing. H. Bacharuddin Jusuf Habibie | |
---|---|
Bacharuddin Jusuf Habibie 1998 | |
Presiden Indonesia ke-3 | |
Masa jabatan 21 Mei 1998 – 20 Oktober 1999 | |
Didahului oleh | Soeharto |
Digantikan oleh | Abdurrahman Wahid |
Wakil Presiden Indonesia ke-7 | |
Masa jabatan 11 Maret 1998 – 21 Mei 1998 | |
Presiden | Soeharto |
Didahului oleh | Try Sutrisno |
Digantikan oleh | Megawati Soekarnoputri |
Menteri Negara Riset dan Teknologi Indonesia ke-4 | |
Masa jabatan 29 Maret 1978 – 11 Maret 1998 | |
Presiden | Soeharto |
Didahului oleh | Soemitro Djojohadikoesoemo |
Digantikan oleh | Rahardi Ramelan |
Kepala Badan Pengusahaan Batam ke-3 | |
Masa jabatan Maret 1978 – Maret 1998 | |
Didahului oleh | JB Sumarlin |
Digantikan oleh | Junus Effendi Habibie |
Informasi pribadi | |
Pilotutu | Parepare, Sulawesi Selatan, Indonesia | 25 Juni 1936
Yilate | 11 September 2019 Jakarta, Indonesia | (umur )Ekspresi tilala: Operator > ja ilotaawa
Kebangsaan | IndonesiaKategori:Semua tokoh Indonesia |
Partai politik | Golkar |
Hiyalo/dile | Hasri Ainun Besari |
Wala'o | Ilham Akbar Thareq Kemal |
Alma mater | Institut Teknologi Bandung Rheinisch-Westfälische Technische Hochschule Aachen |
Popehu | Insinyur Politikus |
Agama | Islam |
Pali lo ulu'u |
Habibie botiye wala'a opatiyo lonto mohutata walu, tiyamoliyo Alwi Abdul Jalil wawu tiiloliyo R. A. Tuti Marini Puspowardojo. Tiyamoliyo botiye ahali pertanian tawu lo Hulontalo lonto Kabila, Bone Bolango, Propinsi Gorontalo, wawu tiiloliyo R.A. Tuti Maarini Puspowardojo lonto Jawa. B. J.Habibie lonika woli dokuteri Hasri Ainun Besari to tanggal 12 Mei 1962, wawu lo'otapu wali mohelu duluwo de'uwito yito te Ilham Akbar habibie wawu te Thareq Kemal Habibie. Tiyo debo losikola mayi to SMAK Dago. Tiyo lobalajari teknik masina to Universitas Indonesia Bandung (masatiya Institit Teknologi Bandung) taawunu 1954. To taawunu 1955 - 1965 tiyo maa lohumbuta balajari teknik penerbangan, spesialisasi kontuksi pesawat terbang, to RWTH, Jerman Barat sambe lololimo gelar diplom ingeniur to taawunu 1960 wawu gelar doktor ingeniur to taawunu 1965 wolo predikat summa cum laude.
Habibie pernah lokaraja mayi to Messerschmitt-Bölkow-Blohm tuwawu lo perusahaan penerbangan to kota Hamburg, Jerman sambe le duta’a to punjuru lo bilulo’a, lowali wakil presiden bidang teknologi. To taawunu 1973 tiyo lohuwalingayi ode Indonesia sababu hihile lo presiden to’u boyito, Soeharto. To Indonesia te Habibie lodihu jabatan lowali Menteri Negara Riset wawu teknologi lonto taawunu 1978 sambe Maret 1998. Ngophiya leeto tiyo olo lowali ta’uwa lo ICMI, Ikatan Cendekiawan Muslim Indonesia. Tiyo lowali Wakil Presiden lonto tanggal 14 Maret 1998 sambe 21 Mei 1998. Tanggal 21 Mei 1998 Presiden Soeharto lotowuli to jabataniliyo wawu te Habibie ma lodihu jabatan Presiden lonto tanggal 21 Mei 1998 sambe 20 Oktober 1999.
Habibie lo warisi keadaan lo negara u ambulati to’u lapato te Soeharto lotowuli to masa orde baru. Disintegrasi ma baya-bayahe u mo’opo’o negara wawu kerusuhan. Tiyo lato lohutu kabinet alihu nona’o lo pemerintahan wawu ekonomi stabil. Tala tuwawu tugasi u paralu yito alihu mo’otapu dukungan monto Dana Moneter Internasional wawu lembo’a lo negara-negara donor u modukungi pemulihan ekonomi. Tiyo olo ma lolopata tahanan politik wawu ma longilangi control to kebebasan berpendapat wawu kegiatan organisasi.
Eleponu masa pemerintahanliyo bo limbu-limbu’o, tiyo ma lopodapato u longohi pondasi mototoheto ode bangsa Indonesia. Undang-undang Anti monopoli meyalo Undang-Undang Persaingan Sehat ma yilapato pilohutu, lomoli’a Undang-undang Partai Politik wawu u paling paralu lohutu Undang-undang Otonomi Daerah. Penerapan UU otonomi daerah botiye u lo’o po’oyonga gejolak disintegrasi warisi lo orde baru u ngope’e lo’o bu’a negara. Wonu diyalu UU otonomi daerah, bolo ngo’idi kikingo Indonesia ma lowali odelo Uni Soviet meyambo Yugoslavia.
Ilowwali le Habibie lowali Presiden lo’otoduwo polo’utiya lo kontroversi to tawu daata lo Indonesia. Ta helidu woliyo ma longanggapu ilowaliliyo tiyo lobotula jabatan ode Presiden ma sah wawu konstitusional. Utiye ma sesuai wolo wu’udu to pasal 8 UUG 1945 u lo’i-lo’iya wonu Presiden yilate, lohuheli, meyalo didu mowali molaksana kewajiban to delomo masa jabatan, tiyo towoliya lo Wakil Presiden sambe pulito lo wakutuliyo. Ta saturu woliyo he’anggapuwa botuliyo lowali Presiden diya konstitusional. Utiye lalawaniya lo wu’udu pasal 9 UUD 1945 u lo’i-li’iya ‘’To’u diipo modihu jabatan, Presiden wajibu motombilu tadiya wawu janjiya to talu lo MPR meyambo DPR.
To'u lojabat lowali presiden, BJ Habibie ma lokaraja wawu ma longohi putusani to urusani politik, de'uwito yito:
12 Ketetapan MPR antara lain :
This article uses material from the Wikipedia Hulontalo article Bacharuddin Jusuf Habibie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tuwango woluwo to tibawa lo CC BY-SA 4.0 ngopohiya lo uweewo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hulontalo (DUHOCTRUNGQUOC.VN) is an independent company and has no affiliation with Wiki Foundation.