अरविंद भाटीकार

गोंय पुर्तुगेजाच्या शेकातळा आसतना तांचें मुळावें शिकप मराठींतल्यान जालें. मडगांवां भाटीकार कुटुंबान चलयिल्ली मॉडॅल इंग्लिश हायस्कुलांत एसएससी मेरेनचें फ्रँच हो विशय घेवन ताणें बिएची पदवी घेतली. उपरांत बॉम्बे युनिवर्सिटीच्या स्कूल ऑफ इकॉनॉमिक्स ह्या विभागांतल्यान एमए(अर्थशास्त्र)पदवी घेतली़़ मागीर शेतकी अर्थशास्त्र विशयाचेर पिएचडी करपा खातीर तांका शिश्यवृती मेळळी. ते उपरांत फुडले जिणेचो मार्ग बदलून १९६५ वर्सा तें आयएएस परिक्षेक बसलें. १९६६ वर्सा तांची भारतीय प्रशासन सेवेंत (आयएएस) नेमणूक जाली. -अरविंद भाटीकार,युगवेद प्रकाशन पणजी गोंय

कोंकणी भास आनी गोंयकारांची वेगळी अस्मिताय सांबाळपा खातीर गोंयांत विलिनीकरणां आड चळवळ जालीं. '१९६१ ते १९६४' मेरेन भाटीकारान हे चळवळींत वांटो घेतलो.

भारतीय प्रशासन सेवेंतल्यान तीस वर्सांच्या काळांत तमिळनाडू सरकार, भारत सरकार आनी युनायटेड नेशन्साच्या प्रशासनांनी ताणें कारभार हाताळ्ळो़ॆ़. सेवेंत आसतना सरकारी कामां खातीर ४९ फावटीं भायल्या देशांनी आनी दोन फावटी संबंद जगाची भोंवडी करपाची संद ता़ंका मेळ्ळी। १९९६ डिसेंबरांत भारतीय प्रशासन सेवेंतल्यान निवृ्त्त जालें.

कांय काळ वेवस्थापन मळाचेर कन्सल्टन्सी करुन आतां वेगळ्या वेगळ्या समाजीक चळवळींचें तें एक वांटो जाल्यात. वेगळया वेगळ्या विशयांचेर बरयिल्ले तांचे ३०० वयर लेख हेराल्ड आनी गोमन्तक टायम्स दिसाळयांनी आनी गोवन ऑब्जर्वर नेमाळ्यांत उजावाडाक आयल्यात.

तें आनी तांची सायकोलॉजिकल कावन्सलर बायल स्नेहलता पणजेच्या करंजळें वाठारांत रावतात. तांचो कंप्युटर इंजिानियर चलो युगेश। सून वेदा आनी नाती नीना हीं अमेरिकेंत आसतात.