Chris Perry (25 Novembr 1928 – 25 Janer 2002) zaun aslo ek Goencho famad songitkar.
Tannem tiatranim ani Hindi cholchitranim-ui kam kelem. Techo thoddeo kamntaram zaun asat Abghat kelo, Red Rose, Tum ani Hanv, Calangute, Nachomia Kumpasar, Bebdo, Ugddas, Sorg tujea dolleanim, Lisboa, Amerikak Pavxi, Noxibak roddttam, Cu Cu Ru Ru, Maddancho Soro, ani Kalliz Boong Bang zata. Lorna famad zaunche fattlean Chris Perry cho hat aslo. To Modganvam zolmol'lo.
Goencho Songitkar, Ghoddnar, kantar boroupi and chol chitr utpadok zaun aslolo Goencho Putt Christopher Pereira. Teca lok odkotalim Chris Perry hea navan. Zolmollo Borda, Modganvant, Shri Agostinho ani Espiciosa hea zodpeank. Nov bhavonda modlo to eklo. Shrimati Lily D’Costa hea vostori laghim tazo sangat zodlo ani temca char burghim besanvant meolim.
Konkani musikant tannem Jazz music ghailem ani Konkani songitachem tannem rupuch boddolem. Konkani Musikak tannem voilea paundar voilem. Bollywood film industry, tannem ponchvis vorsam, Hindi musik director barabor kam kelem temcam music ghodpak adhar dilo. Kabhi Kabhi ani Trishul hea hindi chol chitrant tannem acting korun apun ek kolakar mhun dacoilem. Ek musik mondoll tannem ghodun hadlem ani Indiechea vodlea xhorantlea hotelanni aplem music porzoll kelem. Chris Perry anne Noketr parklolem and teca famadh kelem, Goemchem noketr, zaka Konkani palkachem Bulbul ‘Nightingale’ mhuntai, tachem nav zaun Lorna Cordeiro. Dogainni mellon, sasnak urchim, Konkani kantaram temi famadh kelim. Abghat kelo, Red Rose, Tum ani Hanv, Calangute, Nachomia Kumpasar, Bebdo, Ugddas, Sorg tujea dolleanim, Lisboa, Amerikak Pavxi, Noxibak roddttam, Lorna chea suvadik tallean , him kantaram famadh zallim ani azun asai ani urtolim Goemkaranchea kalzant sodamcal.
This article uses material from the Wikipedia गोंयची कोंकणी / Gõychi Konknni article Chris Perry, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.