Ta'ã: Oñembojoja ojeipuruvo hetakue ra'ãha

Tembikuaatýpe oñemba'era'ã ojejuhu hekópe hag̃ua mba'eichapaitépa oiko mba'ekuéra, ojeipurúvo ta'ãha, upéicha ikatu jaikuaa pukukue (techapyrã: moõ pevépa oĩ?, moõ pevépa oguahẽ?), pohyikue (techapyrã: ivevúi térã ipohýipa?, oñemoĩramo ko ita pe kanóape, ohundítapa pe kanóa?), mba'epytu (techapyrã: ko ára piko hakuve kuehe áragui?), hetakue (techapyrã: mbovy pakova oikéta ko mba'yrúpe?).

Ta'ãhakuéra niko opaichagua, omba'era'ãva ha ohechaukáva papapýpe mbovýpa peteĩ mba'e, umi jaipuruvéva ára ha ára ha'e metro ha kilómetro, ha'éva pukukue ra'ãha, gramo ha kilogramo, ha'éva mása ra'ãha, aravo'i ha aravo, ha'éva ára ra'ãha. Umíva Ta'ãhakuéra Ypykatu Hetatetãgua mba'éva ha oparupi ojeipuru.