Amérika Tetãita Atyvusu, ikatu oñembohasa avañe'ẽme avei Amérika Tetãnguéra Joaju (Ha'etehápe oñemombyky OEA, umi tai ou Organización de los Estados Americanos, karaiñe'ẽ megua) ha'e peteĩ atyvusu heta tetãgua oĩva Amérika yvyrusúpe oñepyrũva ára 8 jasypo ary 1948-pe, ha'e hag̃ua peteĩ amandaje guasu oiporavóva tekuái mba'e heta tetãme guarã, ojapo hag̃ua peteĩ ñemongeta hekokatúva opa tetã ndive ha ombojoaju porãme hag̃ua Amérikape.
Amérika Tetãita Atyvusu oñemoñe'ẽ omba'apóva omombarete hag̃ua py'aguapy reko, kyhyje'ỹ reko ha omoporã hag̃ua jekopytyjoja, omotenonde hag̃ua umi yvypóra tekoiterape, ha opytyvõ hag̃ua tekoha ha viruremono'õ ñemoporã Amérikape guarã. Iñe'ẽnguéra tee hína karaiñe'ẽ, poytugañe'ẽ, ingyaterrañe'ẽ ha hyãsiañe'ẽ.
Amérika Tetãita Atyvusu róga oĩha Washington D. C. távape, Tetã peteĩ reko Amérikaguape. Oguereko avei heta óga momba'aporã opa tetã oĩva ijatýpe. Amérika Tetãita Atyvusu ipype oĩ hína 35 tetãnguéra.
This article uses material from the Wikipedia Avañe'ẽ article Amérika Tetãita Atyvusu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.