تراپيست-۱
تراپيست-۱ (اينگيليسي ميئن: TRAPPIST-1) گه 2MASS J23062928-0502285 ني خؤنده بۊنه، يته سردˇ پأچ ألأسۊسؤى گه ۳۹ سالˇ نۊري زمينˇ جي فاصله دأنه.
اي کۊشتأى ألأسۊسؤ جرم ۸ درصدˇ خۊرشيدˇ جرم ايسه. ؤ ألأسۊسۊيي مقياسˇ ميئن أندى مۊشتري جي پۊرجرم تر ايسه. اي ألأسۊسۊ در ايمتدادˇ دلوˇ فلکي صۊرت قرار دأنه ؤ خئلي کم سۊ ايسه.
يته أسأره-شيناسي تيم بلژيکˇ ليژˇ دؤنشگه أنستيتؤ أخترفيزيک ؤ ژئؤفيزيکˇ ميئن؛ تراپيستˇ تلسکؤپˇ کارأگيري أمرأ لاسيا رصدخؤنه ميئن گه شيلي آتاکاماˇ صحرا بيابؤنˇ ميئن واقع ايسه اي أسأرهٰ ؤ سياره'ني گه اينˇ مدارˇ ميئن قرار دأنن رصد بؤدن. اۊشؤن هاخۊرشيدي ياتتنˇ روشؤنˇ کارأگيري أمرأ سۊته سيارهٰ گه زمينˇ واويرازه بياتن گه أسأره دؤر گردنن. اي تيمˇ رصدؤن ۲۰۱۵ سپتامبر ما تا دسامبر ما أنجؤم بۊبؤ ؤ ايشؤنˇ بياته'ن ۲۰۱۶ مه ما نيچرˇ نشريه ميئن مۊنتشرأ بؤ. اي سياره'ن خۊ مأرˇ أسأره قۊرصˇ دوارسنˇ هنگؤم باعث بؤنأبۊن اي أسأره نۊري مۊنحني سۊ کمأبۊن. أساره-شيناسؤن اين سۊته-اي دوارˇ جذابيتˇ ويسين خۊشؤنˇ رصد ؤ مطالعهٰ ايدامه بدأن گه هين باعث بۊبؤ اي سياره'ن کشفأبۊن. نۊري مۊنحني بررسي ؤ دوارˇ روش جي علاوه بر کشفؤدن اي سياره'ن باعث بۊبؤ تخميني أبعاد، مدار ؤ حتي ايشؤنˇ تشکيل بدأ ترکيبؤنه بدست بأرن.
۲۰۱۷ فئوريه ما ۲۲ ميئن، أسأره شيناسؤن چارته سيارهٔ ديگره تراپيست-۱ˇ مدار ميئن کشفؤدن. ايتؤرى اي أسأره مدارˇ سياره'ن به هفته برسه. سۊته سياره اينˇ زيويشˇ کمربندˇ ميئن قرار دأنن. ألبته اي احتمال وۊجۊد دأنه گه هر هفت سياره زيويشˇ کمربندˇ ميئن دبۊن.
اي هفته سيارهٰ به ترتيبˇ فاصله TRAPPIST-1 ؤ b,c,d,e,f,g,h أنديسؤنˇ أمرأ نؤم بنأن.
سياره-اي منظۊمه
| سياره نؤم | جرم (بر حسبˇ زمينˇ جرم) | پيله نيمقطر (UA) | مداري گردشˇ زمت (رۊز) | مداري مرکزˇ جي خارجابؤن | مداري انحراف | شعاع (بر حسبˇ زمينˇ شعاع) |
|---|---|---|---|---|---|---|
| b | ۰٫۸۵±۰٫۷۲ | ۰٫۰۱۱۱۱ | ۱٫۵۱۰۸۷۰۸۱ | <۰٫۰۸۱ | ۸۹٫۶۵ | ۱٫۰۸۶ |
| c | ۱٫۳۶±۰٫۶۱ | ۰٫۰۱۵۲۲ | ۲٫۴۲۱۸۲۳۳ | <۰٫۰۸۳ | ۸۹٫۶۷ | ۱٫۰۵۶ |
| d | ۰٫۴۱±۰٫۲۷ | ۰٫۰۲۱ | ۴٫۰۴۹۶۱۰ | <۰٫۰۷۰ | ۸۹٫۷۵ | ۰٫۷۷۲ |
| e | ۰٫۶۲±۰٫۵۸ | ۰٫۰۲۸ | ۶٫۰۹۹۶۱۵ | <۰٫۰۸۵ | ۸۹٫۸۶ | ۰٫۹۱۸ |
| f | ۰٫۶۸±۰٫۱۸ | ۰٫۰۳۷ | ۹٫۲۰۶۶۹۰ | <۰٫۰۶۳ | ۸۹٫۶۸۰ | ۱٫۰۴۵ |
| g | ۱٫۳۴±۰٫۸۸ | ۰٫۰۴۵ | ۱۲٫۳۵۲۹۴ | <۰٫۰۶۱ | ۸۹٫۷۱۰ | ۱٫۱۲۷ |
| h | نامۊشخص (ايحتمالن ۱>) | ۰٫۰۶۳ | ۲۰ | نامۊشخص | ۸۹٫۸۰ | ۰٫۷۵۵ |
گالري
سربس
بيريني خال
This article uses material from the Wikipedia گیلکی article تراپيست-۱, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.