Roger Bacon, tamén coñecido como Doctor Mirabilis, nado en Ilchester contra o 1214 e finado en Oxford en 1294, foi un filósofo inglés, un dos máis coñecidos franciscanos do seu tempo e un dos máis antigos avogados do moderno método científico.
Tamén foi un dos primeiros europeos en ensinar a Aristóteles grazas á influencia árabe.
Biografía | |
---|---|
Nacemento | c. 1220 Ilchester (pt) |
Morte | c. 1292 (71/72 anos) Oxford |
Datos persoais | |
País de nacionalidade | Reino de Inglaterra |
Relixión | Catolicismo |
Educación | Universidade de Oxford |
Actividade | |
Campo de traballo | Teoloxía e filosofía da natureza |
Ocupación | filósofo , alquimista , tradutor , inventor , matemático , astrólogo , musicólogo , teórico da música , físico , teólogo , escritor |
Empregador | Universidade de Oxford Universidade de París |
Movemento | Escolástica |
Profesores | Robert Grosseteste |
Influencias | |
Pseudónimo literario | Doctor Mirabilis |
Lingua | Latín medieval |
Orde relixiosa | Orde dos Freires Menores |
Obra | |
Obras destacables
|
Estudou en Oxford e trasladouse a París en 1236. De novo en Oxford (1251), escribiu Speculum astronomiae (no que corrixiu o sistema astronómico de Tolomeo), e unha Metafísica, malia iso en 1257, foille prohibido ensinar e volveu a París. Reformou o calendario xuliano en 1263.
A instancias do seu protector (Clemente IV), comezou os Communia naturalium (un compendio da ciencia da súa época), que deixou para escribir Opus maius (1267-1268), obra que enviou ao Papa xunto coa anterior e outras dúas (Opus minus e Opus tertium), escribiu tamén un Compendium studii philosophiae. Bacon sempre defendeu que a autoridade relixiosa non debía ser seguida acriticamente.
En 1277 o xeneral dos franciscanos atopou sospeitosas as súas obras (sobre todo polos ataques a Santo Alberte Magno e a San Tomé). Condenadas as súas teses, estivo na cadea ata 1292.
This article uses material from the Wikipedia Galego article Roger Bacon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.