Nguyễn Thị Kim Ngân
Nguyễn Thị Kim Ngân, nada en Châu Hòa o 12 de abril de 1954, é unha política vietnamita.
Presidenta da Asemblea Nacional de Vietnam dende o 31 de marzo de 2016 e membro do Politburó do Partido Comunista de Vietnam como segunda en rango despois do secretario xeral Nguyễn Phú Trọng.
  | |
| Biografía | |
|---|---|
| Nacemento | 12 de abril de 1954 (70 anos) Ben Tre |
Chairman of the National Assembly of Vietnam (en)  | |
| 31 de marzo de 2016 – 30 de marzo de 2021 | |
| Membro da Asemblea Nacional de Vietnam | |
| | |
| Datos persoais | |
| Residencia | Hanoi |
| País de nacionalidade | Vietnam |
| Actividade | |
| Ocupación | política |
| Período de tempo | Século XXI |
| Partido político | Partido Comunista de Vietnam |
| Lingua | Lingua vietnamita |
Traxectoria
.jpg)
Ngân naceu nunha pequena vila do distrito de Giồng Trôm na provincia de Bến Tre. Seus pais eran membros da Fronte Nacional de Liberación de Vietnam en territorio controlado poa República de Vietnam, e debido á ausencia do seu pai, que participaba en operacións da organización, educouse coa nai. En 1973 foi a Saigón para estudar na súa universidade pero a caída de Vietnam do Sur en 1975 interrompeu os seus estudos. Tamén realizou estudos de xestión financeira e de xestión de crédito na Universidade de Finanzas. Coa asunción do poder en Vietnam do Sur polo Goberno Revolucionario Provisorio de Vietnam do Sur entrou a traballar na administración con destino no departamento financeiro e económico da 8ª Rexión entre agosto de 1975 e febreiro de 1976. Dende marzo de 1976, e xa co Vietnam unificado en xullo, traballou no departamento de finanzas da provincia de Bến Tre. O 9 de decembro de 1981 entrou no Partido Comunista de Vietnam, efectivo un ano despois. Ao longo dos anos foi ascendendo no seu traballo ata chegar a dirixir o departamento en outubro de 1991. En abril de 1995 recibiu o nomeamento de viceministra de finanzas e permaneceu no posto ata agosto de 2002, e en abril de 2001 entrou no comité central do PCV. En marzo de 2006 volveu asumir o posto pero en maio converteuse na nova viceministra de comercio. En maio de 2007 entrou como deputada na Asemblea Nacional e en agosto dese ano fíxose cargo do ministerio de traballo, inválidos e asuntos sociais, posto que mantivo ata xullo de 2011, durante os últimos meses do seu mandato tivo que facer fronte ao rescate dos traballadores vietnamitas en Libia. En xullo de 2011 elixírona vicepresidenta da Asemblea Nacional e en maio de 2013 entrou no Politburó do PCV. O 31 de marzo de 2016 xurou como presidenta da Asemblea Nacional.
Notas
This article uses material from the Wikipedia Galego article Nguyễn Thị Kim Ngân, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.