Lei De Conservación

Posto que o universo enteiro constitúe un sistema illado poden aplicárselle diversas leis de conservación. Están relacionadas con simetrías do sistema considerado, de xeito que a cada lei deste tipo lle corresponde unha simetría.

As leis de conservación máis importantes en mecánica e electromagnetismo clásicos son:

• Conservación da enerxía.
• Conservación do momento lineal.
• Conservación do momento angular.
• Conservación da carga eléctrica.

En mecánica cuántica e física nuclear ás anteriores engádenselles estoutras:

• Conservación do número leptónico.
• Conservación da carga de cor.
• Conservación da probabilidade.
• Simetría CPT.

Ademais das anteriores tanto en mecánica clásica (MC) como en mecánica cuántica (MQ) úsanse en certos contextos leis de conservación aproximadas, é dicir, que non son universais para todos os procesos aínda que si para unha boa parte dos procesos físicos coñecidos:

• Conservación da masa ou cantidade de materia (MC).
• Conservación do número bariónico, ver anomalía quiral (MQ).
• Conservación de aroma, violada nalgunhas interaccións débiles (MQ).
• Conservación da paridade violada polo experimento Wu (MC e MQ).
• Simetría CP (MQ).

Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.