O inconformismo galés (en lingua galesa Ymneilltuaeth yng Nghymru) foi unha tendencia relixiosa de grande influencia na vida do país de Gales desde o século XVI.
Ten as súas raíces na Reforma Protestante, cando varios países do norte de Europa se desligaron da autoridade da Igrexa Católica.
O primeiro galés inconformista foi John Penry, martirizado en 1593. A primeira igrexa inconformista do país foi establecida en Llanfaches (Monmouthshire / Sir Fynwy) fundada en 1639.
En política, os primeiros inconformistas tendían a evitar a interferencia directa cos asuntos mundanos (excepto nos relacionados coa igrexa). Durante un tempo pódese dicir que a disidencia galesa foi conservadora, pero no século XIX os inconformistas comezaron a xogar un papel cada vez máis importante na política do país e na segunda metade dese século a causa inconformista tendeu a asociarse co radicalismo e o chamamento ao autogoberno (ou autonomía) para Gales. Unha das consecuencias disto foi a formación de organizacións radicais como Cymru Fydd e o apoio crecente ao liberalismo ou socialismo liberal.
O dominio do inconformismo tivo un impacto de grande alcance en Gales. A contribución dos escritores inconformistas á literatura galesa, por exemplo, foi moi considerábel, influíndo nalgúns dos escritores máis importantes en galés, como Morgan Llwyd, Ann Griffiths, William Williams Pantycelyn, Daniel Owen e Owen Morgan Edwards. Porén, algúns autores do século XX, como Saunders Lewis e John Rowlands, foron moi críticos co impacto do inconformismo na cultura galesa, argumentando que o conservadorismo artístico da denominación tivo un efecto opresivo sobre a cultura galesa (no ámbito da novela, por exemplo).
Wiki Commons ten máis contidos multimedia na categoría: Inconformismo galés |
This article uses material from the Wikipedia Galego article Inconformismo galés, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.