Asociación Ucraína De Fútbol
A Asociación Ucraína de Fútbol (UAF) (en ucraíno: Українська асоціація футболу, Ukrayinska asotsiatsiya futbolu) é o máximo corpo reitor do fútbol en Ucraína, con sede en Kíiv.
Foi fundada en 1992, trala disolución da Unión Soviética da cal formaba parte o país. Organiza as ligas ucraínas de fútbol (sendo a máxima categoría a Prem'er-Liha), o campionato de Copa (Кубок України) e outras competicións. Ademais, está ao cargo da Selección de fútbol de Ucraína nas súas distintas categorías.
| UEFA | |
|---|---|
 | |
| Fundación | 13 de decembro de 1991 |
| Afiliación á FIFA | 1992 |
| Afiliación á UEFA | 1992 |
| Presidente | Andriy Paveko |
| Sitio web | www.pzpn.pl |
Antes do 2019 coñecido como Federación de Fútbol de Ucraína (FFU).
Historia
A Federación Ucraína de Fútbol fundouse como entidade legal independente o 13 de decembro de 1991. Até a data, Ucraína fora parte da Federación Soviética de Fútbol e os seus clubs participaban no campionato da Unión Soviética. En febreiro de 2002 a FFU puxo en marcha a primeira edición da liga profesional de Ucraína, e tamén do campionato deCopa. En 1992, Ucraína pasou a ser membro de pleno dereito da UEFA e a FIFA.
A Selección de fútbol de Ucraína disputou o seu primeiro partido o 29 de abril de 1992, un encontro amigable contra Hungría, que se impuxo por 1-3. A súa primeira presenza nunha fase final dun campionato internacional foi no Mundial de 2006, en que chegou a cuartos de final. En categorías inferiores, Ucraína gañou a medalla de bronce no Campionato de Europa sub-16 de 1994 e a medalla de prata no Campionato Europeo sub-18 de 2000.
En 2005 a FFU, xunto coa Asociación Polaca de Fútbol, presentou formalmente a súa candidatura para albergar a Eurocopa 2012. Na votación final, celebrada o 18 de abril de 2007, a UEFA elixiu a candidatura de Polonia/Ucraína por diante de Italia e a candidatura conxunta de Croacia/Hungría.
Véxase tamén
Outros artigos
Ligazóns externas
This article uses material from the Wikipedia Galego article Asociación Ucraína de Fútbol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.