Pàislig

Pàislig gun bhratach Gearradh-arm no Seula
Suidheachadh
Pàislig (Alba)
Dùthaich	Alba
Comhairle	Comhairle Siorrachd Rinn Friù
Siorrachd	Siorrachd Rinn Friù
Co-chomharran	55° 50′ 48″ Tuath 4° 25′ 25″ Iar
Comharradh-clèithe	NS4762
Feartan fiosaigeach
Farsaingeachd	29.8 km²
Àireamh-shluaigh	76,834 (2011)
Dlùths	2,578.32/km²
Àireamh fòn	0141 agus 01505
Duilleag oifigeil	http://www.paisley.org.uk/

A dh'aindheoin an ainm, tha Port-adhair Eadar-nàiseanta Ghlaschu ann am Pàislig. Tha am baile anns an àite-cathaireach Ghlaschu, le meadhan a' bhaile Ghlaschu 6.9 mìltean (11.1 km) air falbh gu sear. Tha Pàislig na phrìomh-bhaile dha Siorrachd Rinn Friù.

Bhathar a' smaoineachadh aig aon àm gun robh làrach an dùin Ròmanach, Vanduara (no Vandogara), a bh' ann am Pàislig. Tha seo air sgàth 's gu bheil an t-ainm Breatannach air a' bhaile (Gwen-dwr, "Uisge geal") coltach ris an ainm Ròmanach air a shon. Thathar a' creidsinn gun robh ainm a' bhaile agus an abhainn (Abhainn a' Chairt Bhàin) an aon rud aig an àm seo. Tha an t-ainm a' tighinn on Greugais basilika.

Anns an dàrna linn deug chaidh eaglais a stèidhichte agus dh'fhàs baile ma thimcheall. Am broinn linn, chaidh staid Abaid a choileanadh leis an eaglais. Dh'fhàs am baile ainmeil tron ochdamh is naoidheamh linntean deug air sgàth gnìomhachas clò, gu h-àraidh cotan leis a' phàtran shònraichte, Phàtran Phàislig.

Ged a tha e nas lugha na Glaschu, Dùn Èideann, Obar Dheathain no Dùn Deagh, 's e Pàislig an còigeamh baile as motha ann an Alba, anns a bheil tuilleadh daoine a' fuireach na Inbhir Nis no Sruighlea aig a bheil staid chathair-bhaile.

Chaidh am Mòd Nàiseanta a chumail ann am Pàislig sa bhliadhna 2013 agus a-rithist ann an 2023.

• Dòmhnall Ruadh Phàislig, bàrd Gàidhlig
• Fulton Mackay
• Gerard Butler
• John Byrne
• Kari Corbett
• Jim Dewar
• Joe Egan
• Graham Fulton
• Hector Nicol
• Robert Tannahill, bàrd Albannach
• Canon Kenyon Wright, diadhach agus neach-iomairt
• Mhairi Black, neach-poileataigs