Ann an sìde-eòlas agus ann an gnàth-shìde, 's e a h-uile sèorsa uisge a thuiteas bhon àile agus a ruigeas an talamh a th' ann an sileadh (Gàidhlig Mhanainn: Frassaghey, Gaeilge: báisteach).
Bheir sin a-steach uisge fhèin, ceòban, sneachd, flin, clachan-meallain, ach cha toir sin a-steach bhiorga, ceò air neo driùchd, a tha nas coltaiche ri co-dhlùthachadh na sileadh fhèin. Canar uisge-adhair ris na tuiteas de shilidh air an aon àite.
Tha sileadh na phàirt gu math cudromach a' cearcaill uisge, leis gun toir e bùrn ùr dhan talamh, a bhrosnaicheas am beatha sa phlanaid againn, an dà chuid do dh' ainmhidhean agus do lusan, a dh' fheumas an t-uisge airson a thighinn beò. 'S ann anns na sgòthan a thoisicheas an sileadh, is tuitidh an t-uisge ann am boinnealaich nuair a bhios na sgòthan loma-làn, is bheir cumhachd iom-thàirnge gu tìr iad. 'S urrainnear sgòthan a chruthachadh gus an sileadh a thoirt dhan talamh ma sgaoilear stuth ceimigeach san adhar (mar airgead-niotrait) a-measg nan sgòthan. Bheir sin piseach air na boinnealaich agus bidh sileadh an lùib an ceann greiseig, ged nach eil an sileadh seo fhathast cho math 's a ghabhas.
Ged is e an t-uisge a chithear mar as trice, chan urrainear dhìochuimhneachadh gu bheil seòrsaichean eile ann, mar an t-sneachd agus na clachan-meallain. Thathar gan seòrsachadh ann am buidhnean eadar-dhealaichte cuideachd.
This article uses material from the Wikipedia Gàidhlig article Sileadh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.