'S e seinneadair Gàidhlig a th' ann am Maighread Stiùbhart (Beurla: Margaret Stewart).
Maighread Stiùbhart | |
---|---|
Beatha | |
Breith | Col Uarach, 12 dhen Ògmhios 1956 |
Dùthaich | Alba |
Ciad chànan | Gàidhlig |
Foghlam | |
Cànain | Gàidhlig Beurla |
Dreuchd | |
Dreuchd | seinneadair |
Inneal-ciùil | guth |
Taigh-clàraidh | Greentrax Recordings |
margaretstewart.com |
Rugadh agus thogadh Maighread ann an Col Uarach, Leòdhas. 'S e Gàidhlig a' chiad chànan aice. Bha i a’ fuireach thall thairis airson pàirt dha beatha; ann a' Bhenesuèla, an Canada, ann an Qatar agus 's an Ear Mheadhanach.
Bha i ‘g obair air a' phròiseact Tobar an Dualchais far an robh i mar phàirt den phrìomh sgioba a bha an urra ri catalog a dheasachadh de na h-òrain a th' ann an tasglann Sgoil Eòlais na h-Alba. Chleachd i tasglann na Sgoile airson iomadh òran a rannsachadh agus tha cuid dhiu sin am measg nan òran a tha i seinn air na trì chlàr aice: Fhuair mi Pòg, Colla Mo Rùn agus Togaidh Mi Mo Sheòlta (2008).
Nuair a bha i òg, bha i dèidheil air seinn is bha òrain agus bàrdachd mun cuairt oirre sa choimhearsnachd agus am measg an teaghlach aice. Bhiodh i tric a' gabhail pàirt anns na mòdan ionadail.
Tha i air a bhith seinn aig iomadh fèis-chiùil ainmeil leithid Fèis Eadar-Nàiseanta Dhùn Èideann, Celtic Connections, Celtic ColoursTeamplaid:Fix/category[dead link] ann an Ceap Breatainn, Piping Live, Sgoil Samhraidh Willie Clancy agus Fèis Ealain Earagail an Dùn nan Gall. Tha i cuideachd air a bhith ag obair mar neach-teagaisg seinn agus na h-òraidiche aig leithid Ceòlas an Uibhist a Deas, Fèis Willie Clancy an Èirinn agus aig Sabhal Mòr Ostaig far am bi i cuideachd a stiùireadh cùrsaichean goirid air cultar dùthchasach, eachdraidh agus òrain Ghàidhlig. Bha i bho àm gu àm a' teagasg ann an Sgoil Ciùil a' Phluic agus ann an Conservatoire Rìoghail na h-Alba. Ann an 2012, b' i Ceòladair na Colaiste a bh' innte aig Sabhal Mòr Ostaig.
Choisinn i am Bonn Òir aig a' Mhòd Nàiseanta ann an 1993 anns an Àrd Ruighe.
Chaidh duais 'Seinneadair Gàidhlig na Bliadhna' a bhuilealchadh orra ann an 2008.
Tha Maighread a' seinn cuideachd air iomadh clàr eile na h-aoigh agus air co-chruinneachaidhean.
Òrain air a sheinn le Maighread airson an t-sreath TBh aig a' BhBC Innsean an Iar
This article uses material from the Wikipedia Gàidhlig article Maighread Stiùbhart, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.