Maighread Stiùbhart: Seinneadair Gàidhlig

Rugadh agus thogadh Maighread ann an Col Uarach, Leòdhas. 'S e Gàidhlig a' chiad chànan aice. Bha i a’ fuireach thall thairis airson pàirt dha beatha; ann a' Bhenesuèla, an Canada, ann an Qatar agus 's an Ear Mheadhanach.

Bha i ‘g obair air a' phròiseact Tobar an Dualchais far an robh i mar phàirt den phrìomh sgioba a bha an urra ri catalog a dheasachadh de na h-òrain a th' ann an tasglann Sgoil Eòlais na h-Alba. Chleachd i tasglann na Sgoile airson iomadh òran a rannsachadh agus tha cuid dhiu sin am measg nan òran a tha i seinn air na trì chlàr aice: Fhuair mi Pòg, Colla Mo Rùn agus Togaidh Mi Mo Sheòlta (2008).

Nuair a bha i òg, bha i dèidheil air seinn is bha òrain agus bàrdachd mun cuairt oirre sa choimhearsnachd agus am measg an teaghlach aice. Bhiodh i tric a' gabhail pàirt anns na mòdan ionadail.

Tha i air a bhith seinn aig iomadh fèis-chiùil ainmeil leithid Fèis Eadar-Nàiseanta Dhùn Èideann, Celtic Connections, Celtic ColoursTeamplaid:Fix/category^{[dead link]} ann an Ceap Breatainn, Piping Live, Sgoil Samhraidh Willie Clancy agus Fèis Ealain Earagail an Dùn nan Gall. Tha i cuideachd air a bhith ag obair mar neach-teagaisg seinn agus na h-òraidiche aig leithid Ceòlas an Uibhist a Deas, Fèis Willie Clancy an Èirinn agus aig Sabhal Mòr Ostaig far am bi i cuideachd a stiùireadh cùrsaichean goirid air cultar dùthchasach, eachdraidh agus òrain Ghàidhlig. Bha i bho àm gu àm a' teagasg ann an Sgoil Ciùil a' Phluic agus ann an Conservatoire Rìoghail na h-Alba. Ann an 2012, b' i Ceòladair na Colaiste a bh' innte aig Sabhal Mòr Ostaig.

Duaisean

Choisinn i am Bonn Òir aig a' Mhòd Nàiseanta ann an 1993 anns an Àrd Ruighe.

Chaidh duais 'Seinneadair Gàidhlig na Bliadhna' a bhuilealchadh orra ann an 2008.

Clàran

• Fhuair Mi Pòg (le Ailean Dòmhnallach) (1998) - CDTRAX132
• Colla Mo Rùn (le Ailean Dòmhnallach) (2001) - CDTRAX217
• Togaidh Mi Mo Sheòlta (2008) - CDTRAX311

Na h-Aoigh air Clàran eile

Tha Maighread a' seinn cuideachd air iomadh clàr eile na h-aoigh agus air co-chruinneachaidhean.

• Gaelic Women (Ar Cànan ‘s Ar Ceòl) (1999) - CDTRAX172
  • An t-Slige Chreachain
• Òrain Nan Gàidheal - The Song Of The Gael - CDTRAX5008
• The Best Of Scottish Music Vol 2 (Greentrax 15th Anniversary) (2001) - CDTRAX215
  • O Mhàiri 'S Tu Mo Mhàiri
• The Music And Song Of The Great Tapestry Of Scotland (2012) - CDTRAX372D
  • Clann Dòmhnaill An Cogadh Rìgh Teàrlach
• The Scottish Diaspora: The Music & The Song (2014) - CDTRAX380
  • Tha Mi Sgith 'n Fhogar Seo
  • Oran a Mhetaghama
  • Cuma do na Fearaibh
  • Ged Tha Mi Gun Chrodh Gun Aighean

TBh

Innsean an Iar (2013)

Òrain air a sheinn le Maighread airson an t-sreath TBh aig a' BhBC Innsean an Iar

• A’ Bhean Eudach
• Am Maraiche 's a Leannan le Màiri NicEalair   
• Òran na Bèiste-Duibhe
• Iorram Suirghe
• Uiseag bheag dhearg

• Làrach-lìn oifigeil: margaretstewart.com
• “Stewart-Harding, Margaret, 1956-”. Tobar an Dualchais. Air a thogail 11mh dhen Lùnasdal 2023.
• Duilleag aig a' BhBC le grunn òrain