Karlskrona

Karlskrona Gearradh-arm no Seula
Suidheachadh
Dùthaich	An t-Suain
Ceàrn	Blekinge
Sgìre	Blekinge län
Co-chomharran	56° 09 39′ Tuath 15° 35 10′ Ear
Feartan fiosaigeach
Farsaingeachd	21.72 km²
Àireamh-shluaigh	35,212 (2010)
Dlùths	1,621.18/km²
Àireamh fòn	(+46) 0455
Duilleag oifigeil	http://www.karlskrona.se/

Tha e suidhichte air an àirde an ear-dheas na dùthcha air feadh 30 eilean san innis-mhuir Bhelkinge, ri taobh na Mara Bhaltaich eadar Kalmar agus Malmö, anns an sgìre Blekinge län, 382km air falbh bho Stockholm, prìomh-bhaile na dùthcha, 429km bho Uppsala agus 279km bho Ghöteborg. Tha 35,212 duine a' fuireach ann. Chaidh am baile a stèidheachadh ann an 1680.

Ged nach eil freumh-fhaclachd an ainm seo cho soilleir tha e coltach gur ann à krona (Gàidhlig: crùn) agus Karl (Teàrlach) ann an Suainis a tha an t-ainm. Bheireadh sin Crùn Theàrlaich dhuinn sa Ghàidhlig an latha an-diugh.

Chaidh am baile a stèidheachadh ann an 1680 leis an rìgh Karl XI na Suaine mar Bhunait a' Chabhlaich leis gur robh an Danmhairg air sgìrean mòra ann an Skåne a thoirt air falbh bhon t-Suain agus mar sin bha an Danmhairg na chunnart do chumhachd na Suaine ann an Lochlann agus sa Mhuir Bhaltach. A bharrachd air sin, bha deigh na trioblaid dhan Chabhalach fad na geamhraidh shuas ann an Stockholm. Chaidh ainmeachadh an dèidh a’ bhaile Landskrona faisg air Malmö. Chaidh gàrradh-shoithichean a thogail an seo agus ann an 1711 bha corr is mìle duine ag obair ann, an t-àite-obrach na bu mhotha na dùthcha aig an àm. Ann an 1750 bha mu 10,000 duine a’ fuireach sa bhaile mar-thà. Ann an 1981, ghabh bàta-aigeil an Aonaidh Shobhiat air sgeir faisg air Karlskrona.

• Bertram Schmiterlöw (1920 – 2002). Neach-ealain.

• Riaghaltas na Sgìre
• Visit Karlskrona