Benjamin Neeve Peach

Tha e ainmeil air sgàth na h-obrach a rinn e air na cumaidhean geòlasach air a' Ghàidhealtachd.

Benjamin Neeve Peach
Beatha
Breith	Porthust, 6 dhen t-Sultain 1842
Dùthaich	A' Chòrn
Bàs	Dùn Èideann, 29 dhen Fhaoilleach 1926
Àite-adhlacaidh	Morningside Cemetery (en)
Teaghlach
Athair	Charles William Peach
Dreuchd
Dreuchd	pailleon-eòlaiche agus geòlaiche
Duaisean a fhuaras	liosta Ball den Chomann Rìoghail Bonn MhicMhurchaidh  (1899) Wollaston Fund  (1887) ball Comann Rìoghail Dhùn Èideann Fellow of the Royal Geographical Society Wollaston Medal  (1921)
Ballrachd	An Comann Rìoghail

Rugadh e san 6mh den t-Sultain 1842 ann an Gorran Haven, a' Chòrn. Bha an t-athair aige, Charles William Peach, na chlach-eòlaiche agus eòlaiche-nàdair neo-dhreuchdail.

Fhuair Peach a chuid foghlam ann an Royal School of Mines ann an Lunnainn. Ann an 1862 thòisich e ag obair airson an t-Suirbhidh Gheòlasaich agus air sgàth na dreuchd seo ghluais e a dh'Alba ann an 1867. Tha e ainmeil air sgàth na h-obrach a rinn e air an iar-thuath na Gàidhealtachd agus ann am Monadh a Deas còmhla ris a' charaid agus co-obraiche John Horne. Bha Horne an sàs ann am mapadh mionaideach ach b' ann aig Peach a bha an sgil smaoineachaidh airson dealbh a chruthachadh às na fillidhean de na clachan eadar-dhealaichte a bha rim faicinn air mullach an talmhainn agus air na mapaichean. 'S e neach-ealain a bha ann am Peach cuideachd, agus chleachd e sin gus mìneachadh gluasad nan structaran a chur ri pàipear . Bha an obair aca, gu h-àraidh an leithid a rinn iad ann an Creag a' Chnocain, a' rèiteachadh an deasbaid fhada mu na cumaidhean geòlasach air a' Ghàidhealtachd.

Chaidh a thaghadh mar bhall den Chomann Rìoghail Dhùn Èideann ann an 1892 agus fhuair e 1899 am Murchison Medal bhuapa ann an 1899. Ann an 1921 fhuair e an Wollaston Medal, an duais a b' àirde den Geological Society of London.

Chaochail e san 29mh den Fhaoilteach 1926 ann an Dùn Èideann. Gus urram a thoirt don obair aige chaidh clach-chuimhneachain a thogail ann an Innis nan Damh air a bheil na faclan "To Ben N Peach and John Horne who played the foremost part in unravelling the geological structure of the North West Highlands 1883-1897. An international tribute. Erected 1980."

• Còmhla ri Horne J., Gunn, W., Clough, C.T., and Hinxman, L.W., The Geological Structure of the Northwest Highlands of Scotland. Memoirs of the Geological Survey of Great Britain 1907
• The Silurian Rocks of Britain, Glasgow, H. M. Stationery Office, 1899
• The Higher Crustacea of the Carboniferous Rocks of Scotland, Memoirs of the Geological Society
• còmhla ri Horne, Chapters on the geology of Scotland, Oxford University Press 1930
• The geology of the neighborhood of Edinburgh, Dùn Èideann, H. M. Stationery Office 1910
• Description of Arthur´s Seat Vulcano, Dùn Èideann, H. M. Stationery Office, 1921
• Sutherland, Geological Survey of Scotland
• Stirlingshire, Geological Survey of Scotland

• Benjamin Peach aig www.scottishgeology.com (Beurla)
• Benjamin Peach aig NAHSTE (Beurla)