希特勒(Adolf Hitler,音標:,1889年4月20號—1945年4月30號)係從1933年一徑到佢死許日嗰德國總理。等佢做總理同到首領嗰時間,佢拕人非官方人嗰話係德國嗰「獨裁者」。希特勒由1921年開始都係國家社會主義德國工人黨(Nationalsozialistische Deutsche Arbeiterpartei,即納粹黨)嗰領袖。
希特勒到德國第一次世界大戰之後嗰危機嗰場中得勢。佢用宣傳同到有力嗰演講,佢關注中產同到草根階層嗰經濟利益,同得有一定嗰民族主義、反猶太主義同到反共產主義嗰味道。等創立嘍一隻重新架構過嗰經濟,一隻重新武裝過嗰軍隊,同到一隻極權統治嗰政權之後,希特勒仰上採納一種向外擴散嗰壓迫性外交政策,為到擴張德國嗰生存空間。等德國佔領奧地利同到捷克一滴土地,同到就入侵波蘭之後,就觸發嘍第二次世界大戰。箇滴子地方大部分都接到拕人併進大德意志帝國(Großdeutschland Reich)嗰範圍裡頭。
話係納粹德國同到軸心國到巔峰時期佔領嘍歐洲大部分國家嗰地,末了佢俚哈係拕聯軍打敗嘍。仗打完發現,納粹德國攏共殺吥嘍一千一百多萬人,箇包括屠殺六百萬猶太人。
This article uses material from the Wikipedia 贛語 article 希特勒, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另寫了,不然頁面內容都以 CC BY-SA 4.0 嗰條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 贛語 (DUHOCTRUNGQUOC.VN) is an independent company and has no affiliation with Wiki Foundation.