آدولف هیتلر

وه بین سال‌های ۱۹۳۳ تا ۱۹۴۵ آلمان ِصدراعظم، و ۱۹۳۴ په آلمانِ گتِ رایش ِرهبر بی‎یه و حکومت کارده.

آدولف هیتلر

شناسنومه
بزاروز	۲۰ آوریل ۱۸۸۹
بزاجا	براونا، آم، این ، اتریش-مجارستون شهروند اتریشی تا سال ۱۹۲۵، شهروند آلمانی پس از ۱۹۳۲
بمردن تاریخ	۳۰ آوریل ۱۹۴۵
بمردن جا	برلین ، گت رایش آلمان
همسر	اوا براون
دین	آتئیست
سیاسی اطلاعات
سیاسی حزب	حزب ملی کارگران سوسیالیست آلمان حزب نازی
سمت	صدر اعظم آلمان (از ۱۹۳۳ تا ۱۹۴۵)
فعالیتون	هنرمند، سرواز، نویسنده، سیاست‌مدار
هـ گ د

هیتلر جهونی جنگ اول دله اجباری بورده و نشان بیته. وه سال ۱۹۲۰ دله بورده نازی حزب درون و سال ۱۹۲۱ حزبِ رییس بیّه. وه سال ۱۹۲۳ کودتا دله دست داشته و زندون دکته. زندون جه بریم بمو په، ناسیونالیستی، ضدکمونیستی و ضدیهودی گپ زوئه و سخنرانی کارده و اینتی طرفدار پیدا هاکرده. هیتلر سال ۱۹۳۳ صدراعظمی مقوم جا برسی‌یه. وه ارتش و صنعت دله خله قد بی‌یشته و اینتی مملکت که در رقد شی‌یه ره جمع هاکرده و آلمان ره اتا گت قدرت هاکرده. هیتلر شه خارجی سیاست ره با این هدف تصرف فضای حیاتی ویشته دمبال هاکرده و اتا از دلایل اولیه و عمده وقوع جهونی جنگ دوم تهاجم به لهستون ۱۹۳۹ دله توسط وه بی‌یه که ونه نتیجه سه بریتانیا و فرانسه به آلمان اعلام جنگ هدانه. جنگی که بین دِتا گروه محور و متفقین درهاییته و طی این مدت اروپا و باقیِ دنیا شاهد ویرانی‌ئون و تلفات بسیار بیینه.

سه سال دله آلمان و نیروی محور ویشتر اروپا، گت بخشون آفریخا، شرق آسیا و اقیانوسیه ره اشغال هاکردنه؛ امّا متفقین نیروئون سال ۱۹۴۲ به بعد جه، وشون جا پیشی هاییتنه و سال ۱۹۴۵ آلمان گت رایش ره هر سو جه بچکلستنه. بائوتنه وه همون سال و زمون برلین جنگ، به ضرب گلوله خادکاشی هاکرده.

اِوا براون، آدولف هیتلر معشوقه و اتا رو(=روز) ونه زنا بی‌یه. آدولف هیتلر، الکل نخارده و سیگار نکشی‌یه. وه گیاه‌خاری کارده و گوشت هم نخارده.

آدولف هیتلر ریشارد واگنر، آلمانی آهنگساز «عشق داشته»، موسیقیون ره گوش دائه.

ونه گت بنویشته ره بخوندین: نازی آلمان

ویشته مورخ‌ون معتقد هستنه هیتلر خداناباور بی‌یه و هِچ دینی نداشته.

هیتلر جهاد ره خله دوست داشته. هیتلر خاسته ایسلام جه ابزاری ایستفاده هاکنه. ونه ارتش آفریخا شومال ره گه بئیتنه گادر قرآن دله اتا آیه دنبال دئینه تا اثبات هاکنن هیتلر مسلمونون‌سه اتا مذهبی-سیاسی رهور هسه.

ونه ارتش دله مسلمونون ئم بوسنی و فلسطین جه دئینه. محمد امین الحسینی که قدس اعظم مفتی بی‌یه هیملر جه اتا دیدار داشته و اس‌اس دله رفت‌وآمد داشته.

•  
  آدولف هیتلر این عکس دله ایفل برج پَلی اسّائه و دره پاریس ِشهر ره اِشنه. وه دستور هدا بی‌یه که پاریس ره بالون جه بمب نزنن چون اتا قدیمی شهر بی‌یه و وه نخاسته که پاریس قدیمی بنائون و تاریخی چی‌ئون خراب بَواشِن.
•  
  ونه وچگی عکس
•  
  وه و موسولینی عکس
•  
  هیتلر شه هم حزبیون میون، سال ۱۹۳۰
•  
  هیتلر و ژنرال اریش لودندورف
•  
  آدولف هیتلر عکس که وه رضا شا ره پیشکش هاکردبی‌یه.
•  
  وه شه معشوقه‌ی همراهی که وشون همراه دِتا سگ دره
•  
  هیتلر ماشین، کانادای موزه دله

• هیتلر تبارنومه