Willem Pot
Willem Pot (Wâldsein, 29 oktober 1888 – Ljouwert, 4 jannewaris 1963) wie in fabrikant en yn de Twadde Wrâldoarloch boargemaster fan Muntendam.
Biografy
Willem Pot waard berne yn Wâldsein (gem. Wymbritseradiel) as soan fan keapman Abel Pot en Geertje Nijdam. Hy wie yn 1910 yn Snits troud mei Trijntje Visser, dochter fan Douwe Visser en Elisabeth Wijnstra.
Pot moast him foar it Bysûndere Gerjochtshof ferantwurdzje fanwegen lidmaatskip fan sân nasjonaalsosjalistyske organisaasjes. Fierder sollisitearre er nei it amt fan boargemaster fan Sutfen, dêr't er lykwols net foar yn 'e beneaming kaam. Hy ûntkende in list gearstald te hawwen fan persoanen dy't foar gizeling yn oanmerking kamen. It die lykwols bliken dat alle NSB-boargemasters sa'n list opmakke hawwe. Hy kaam yn 1941 by de NSB omdat er him miskend fielde. Hy waard yn septimber 1942 beneamd ta boargemaster. By syn ynstallaasje liet Pot him kenne as in oertsjûge nasjonaalsosjalist.
Pot wie de earste boargemaster dy't troch de 'ûndergrûnse' finzen makke waard. Mei Mâle Tiisdei sloech him de skrik al sa om it hert, dat er him - dat al yn septimber 1944 – samar oerjoech oan de yllegaliteit, dy't him doe oant de befrijing yn bewar hold.
Pot waard feroardiele ta 6 jier ynternearring mei ôftrek fan foararrest.
| Boarnen, noaten en/as referinsjes: |
|
This article uses material from the Wikipedia Frysk article Willem Pot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.