Jhr, Mr.
Willem Engelbart Engelen | ||
politikus | ||
W.E. Engelen (om 1850 hinne) | ||
nasjonaliteit | Nederlânsk | |
lid Provinciale Staten van Friesland = | ||
amtsperioade | 1842-1850; 1851-1879 | |
boargemaster fan Ljouwerteradiel | ||
amtsperioade | 1852-1854 | |
lid Twadde Keamer fan de Steaten-Generaal | ||
amtsperioade | 1853-1855 | |
lid Deputearre Steaten fan Fryslân | ||
amtsperioade | 1854-1875 | |
offisjele webside | ||
Profyl parlement.com |
Willem Engelbart Engelen waard berne yn Snits, yn de húshâlding fan de doetiidske gritenijsekretaris fan Wymbritseradiel, Daniël Engelen, en Diederica Adema fan Snits. Hy wie de pakesizzer fan Willem Engelen, lid fan de Gearkomste fan Notabelen en de Provinsjale Steaten fan Gelderlân.
Nei in stúdzje rjochten oan it Atheneum Illustre te Frjentsjer studearre Engelen Romeinsk en hjoeddeisk rjocht oan 'e Hegeskoalle yn Utert. Hy fêstige him as advokaat yn Ljouwert yn 1840 en waard sekretaris fan de gritenij Ljouwerteradiel (1840-1852). Hy wie fan 1842 ôf mei in koarte ûnderbrekking lid fan de Provinsjale Steaten fan Fryslân en wie fan 1852 oant 1854 boargemaster fan Ljouwerteradiel.
Fan 1853 oant 1855 wie Engelen konservatyf lid fan de Twadde Keamer fan de Steaten-Generaal út namme fan it kiesdistrikt Snits. Dêr spruts er ûnder mear oer it earmbestjoer en de wettersteat. Yn 1854 waard er deputearre yn Fryslân (dêrom naam er ûntslach as boargemaster, en yn 1855 ek as Keamerlid omdat de funksje te dreech te kombinearjen wie) en fan 1868 ôf wie er plakferfanger by de arrondissemintsbank. Yn 1875 naam Engelen ûntslach as deputearre om reden fan sûnens, mar bleau wol lid fan de Provinsjale Steaten.
Engelen troude yn 1841 mei Sara Suzanna Cats, de dochter fan rjochter en Twadde Keamerlid Jentje Cats, mei wa't er twa soannen en in jongferstoarne dochter krige. Hy is beneamd ta Ridder yn de Oarder fan de Nederlânske Liuw en Kommandeur yn de Oarder fan de Ikekroan.
Boarnen, noaten en/as referinsjes: |
|
This article uses material from the Wikipedia Frysk article Willem Engelbart Engelen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.