Universiteit Fan Harderwyk
De Universiteit fan Harderwyk (1648 - 1811), ek wol de Gelderske Universiteit neamd, waard oprjochte yn de tiid fan de Republyk fan de Sân Feriene Nederlannen.
| Universiteit fan Harderwyk Academie te Harderwijk Academie des vorstendoms Gelre en graafschaps Zutphen | ||
 | ||
 | ||
| It Linnaeustuorke | ||
| Namme | ||
| Latynske namme | Academiæ Gelro-Zutphanicæ of Ducatus Gelriæ & Comitatus Zuthphaniæ Academia of Comitatus Zutphaniæ Sacrum Academiæ Ducatus Gelriæ | |
| Lokaasje | ||
| Lân | Nederlân | |
| Plak | Harderwyk | |
| Oare bysûnderheden | ||
| Oprjochting | 1648 | |
| Sluting | 1811 | |
Stifting
Yn 1441 wie der yn Harderwyk al in Latynske skoalle. Yn 1600 waard dy ta in Yllústere skoalle en yn 1648 ta Gelderske Universiteit.
It maklik en goedkeap promovearjen yn Harderwyk lokke in soad studinten út binnen- en bûtenlân, al wie dat faak mar foar koarte tiid.
Fakulteiten
De universiteit hie fjouwer fakulteiten:
- Godgeleardens (theologica)
- Rjochten (jura)
- Medisinen (medicina)
- Frije keunsten (artes): etyk, natuerkunde, retoarika en klassike skiednis.
Promovendy
Bekende promovendy fan Harderwyk wienen:
- De ûntdekkingsreizger Jacob Roggeveen (1690)
- De medikus Herman Boerhaave (1693)
- De Sweedske plantkundige Carolus Linnaeus (1735)
- De steatsman Herman Willem Daendels (1783)
- De dichter A.C.W. Staring (1787)
Ein
Yn de tiid fan de Frânske besetting waard de universiteit sletten. Kening Willem I hat letter fergees besocht om hjir in Ryksateneum te stiftsjen.
Hortus Botanicus
Nei it ferdwinen fan de universiteit yn 1811 waard yn 1821 ek de dêrby hearrende hortus botanicus fan de hân dien. Allinnich twa iuwenâlde beammen binne dêr noch fan oerbleaun. Op dat plak is yn 1989 as neitins in krûdetún oanlein.
Fetze Alsvanouds
Ein 20e iuw spile Aart Staartjes professor Fetze Alsvanouds fan de Universiteit fan Harderwyk yn it tillefyzjeprogramma Het Klokhuis.
Literatuer
- M.V.T. Tenten (einred.), Het Gelders Athene. Bijdragen tot de geschiedenis van de Gelderse universiteit in Harderwijk, Utjouwer: Verloren, Hilfertsom, 2000. ISBN 90-6550-092-8
| Bekostige | Amsterdam · Delft · Eindhoven · Frije Universiteit · Grins · Iepen Universiteit · Leien · Maastricht · Nimwegen · Rotterdam · Tilburch · Twinte · Utert · Wageningen | |
|---|---|---|
| Oanwiisd | Humanistyk · Kampen (Broederweg) · Nyenrode · Protestantse Theologische Universiteit · Saba · TIAS · T.U. Apeldoorn | |
| Ynternasjonaal | Limburg · Webster University | |
| Eardere universiteiten | Harderwyk · Frjentsjer · Kwartierlijke Academie van Nijmegen · K.T.U. Utrecht | |
This article uses material from the Wikipedia Frysk article Universiteit fan Harderwyk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.