Theun Plantinga (Feanwâlden, 23 juny 1983), is in Frysk akteur, regisseur, dramadosint en sûnt koart trouamtner.
Yn 1997 waard hy Europeesk kampioen Latin-American, wêrnei 't er him rjochte op de teaterwrâld. Plantinga studearre yn 2008 ôf oan de oplieding Teaterdosint yn Ljouwert.
Yn 2011 wûn de troch him regissearre foarstelling Bloodbrothers (Bloedbân) de Gouden Gurbe-publykspriis. Theun Plantinga waard nominearre foar in Musical Award 2013 foar syn regy fan 'Koning van Katoren' by Teater Terra.
Hy makke syn teaterdebút yn 2003 by Tryater yn de famyljefoarstelling It mirakel fan Hansje Brinker. Lanlik kaam syn debút koart dêrnei by de Firma Rieks Swarte yn De Groote Storm. Nei in tal muzykteaterfoarstellings by it Ljouwerter Acta Teater folgen rollen yn De Gebroeders Leeuwenhart (regy Rieks Swarte), Het huisje dat verhuisde (regy Gienke Deuten) en Uh...zoek woord (regy Jelly Schippers). By Tryater makke er in muzikale ôfstudearfoarstelling oer húslik geweld: Rake Klappen. Dy foarstelling spile ûnder oare ek yn de Twadde Keamer en kaam yn 2011 út op dvd.
Nei in rige lanlike toernees is hy yn it seizoen (2018/2019) te sjen yn de lânlike teaters mei de foarstelling Masha en de Beer Live! yn de titelrol fan Beer. Derneist bespilet hy de Fryske kafee's mei SeksTips 2, hoge hakken geen bezwaar en wie er fan maaie 2019 ôf te sjen yn de titelrol van Titus Brandsma yn Titus, in muzykteaterspektakel yn de Bonifatiuskapel te Dokkum.
Oar wurk
Theun Plantinga wie as sjonger te hearren yn 2009-2010 as 'Kleinkunsttalent' fan it NCRV-programma 'Volgspot' op Radio 2. Hy wie it Fryske gesicht yn de commercial by de ynfiering fan de Ov-chip en wurket as workshopdosint en regisseur. As regisseur makke hy Tet Rozendal sjongt Marlene Dietrich, Merlijn de tovenaar, Liedjes van Louis Davids, Bloodbrothers, Waden, Maske in Blau en Koning van Katoren. Sjonglessen folge er by Ellen Bakker, Jimmy Hutchinson en letter by Ivar Costenoble.
Sûnt 2019 is Plantinga ek selsstannich trouamtner foar wettelike en seremoanjele houliken, registrearre partnerskippen, fernijing fan trougeloftes of as sprekker op brulloften en jubilea. Bysûnder is dat er de fokus leit op Frysktalige ferbyntenissen as 'Fryske Babs'.
Tegearre mei syn freon Michael Kick hat er yn 2019 'Het Rechthuis' yn Rinsumageast kocht. In ryksmonumint út 1650 dat eartiids Dantumadiels earste gemeente- en rjochthûs wie. Nei in ferbouwing giet it pân yn de maitiid fan 2020 iepen as 'Herberg Het Rechthuis'.
Teaterrollen
Dit Wie It Waar Wer (2020)
De Nacht van Flipje (2019)
Opera De Liefdebeurs (2019)
Muziektheater Spektakel TITUS (2019)
SeksTips 2, hoge hakken geen bezwaar (2019)
Masha en de Beer Live! (2018-2019)
SeksTips, wat je van nichten leren kan (reprize 2018)
The Who's Tommy (2018)
Heedaar! (2018)
Altyd Seumer (2018)
TINA de Musical (2017-2018)
SeksTips, wat je van nichten leren kan (2016-2017)
Afblijven op school (2016-2017)
Afke's Elfde (2016-2017)
Baltic Blues (2016)
Hotel de grote L (2016)
It Fabryk (2015)
Ik, Martinus (2015)
Poiesz Revue (2015)
Minoes (2014-2015)
Bonifatius de musical, passie in het Noorden (2014)
Dribbel de musical (2013-2014)
Project Scheet! (2013-2014)
Afblijven de musical (2014)
Zaans Vuur (dec. 2013)
De Vuurvogel (2013)
Vrieslân Wûnderlân (2013)
Os en Ezel, niks mis met kerstmis, musical (2012-2013)
Bonifatius de musical (2012)
Grutte Jonge solofoarstelling (2010-2012)
Jip en Janneke - famyljemusical (2011-2012)
Achtste groepers huilen niet (2010-2011)
De 101 Dalmatiërs (2010-2011)
Daendels de straatmusical (2010)
Gastsjonger Volgspot op radio 2 (2009-2010)
De wonderlijke reis van Mijnheer Prikkebeen (2009-2010)
Achtste groepers huilen niet (2009-2010) Winner 'Musicalworld Award beste jeugdvoorstelling'
2006 - CKV lessen (Kulturele en Keunstsinnige Foarming) Comenius yn Ljouwert
2005 - Dramalessen (Boargemaster Harmsmaskoalle op De Gordyk / O.S.G. Singelland yn Burgum)
2004 - Dramalessen (Basisskoalle Dr. Theun de Vriesskoalle yn Feanwâlden)
Referinsjes
This article uses material from the Wikipedia Frysk article Theun Plantinga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.