Sportfilm
Sportfilm is in sjenre fan films wêryn't in foarm fan sport in sintraal ûnderdiel fan de plot is.
Dêrby kin it gean om in sportdramafilm (of koartwei sportdrama), dy't soks op in earnstige wize behannelet, of om in sportkomeedzjefilm (of sportkomeedzje), dy't humor yn it ferhaal behellet.
Sportfilms draaie almeast om yndividuele sporters of sportteams dy't de sport beoefenje dy't yn de film sintraal stiet. In plotfoarm dy't in soad brûkt wurdt, is dat dy sporter of dat team meidwaan wol oan in grutte wedstryd of in oar wichtich evenemint. It grutste part fan de film fokust dan op de tariedings fan de protagonist(en) foar de wedstryd, wêrnei't dyselde wedstryd de klimaks fan 'e film foarmet.
Sportfilms kinne fierder ûnderferdield wurde nei de sport dêr't se oer geane. Foarbylden fan bekende sportfilms binne:
- Amerikaansk fuotbal: The Blind Side, Draft Day en Jerry Maguire
- basketbal: Air Bud en Space Jam
- bobslydzjen: Cool Runnings
- boksen: Raging Bull, Rocky en Million Dollar Baby
- fuotbal: All Stars en Bend It Like Beckham
- golf: Happy Gilmore en Tin Cup
- hynstesport: De Gouden Swipe en Seabiscuit
- honkbal: A League of Their Own, Major League en Mr. Baseball
- iishockey: Miracle en Touch and Go
- karate: The Karate Kid
- keunstriden: Blades of Glory en The Cutting Edge
- reedriden: De Hel van '63
| Boarnen, noaten en/as referinsjes: | ||
| Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article Sportfilm, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.