Michail Saltykov
Michail Jevgrafovitsj Saltykov-Sjtsjedrin (Михаил Евграфович Салтыков-Щедрин); 27 jannewaris 1826/15 jannewaris 1826 yn it doarp Spas-Ugol, gûvernemint Tver - 10 maaie1889/28 april 1889 yn Sint Petersburch), better bekend ûnder syn skriuwersnamme Sjtsjedrin (Щедрин), wie in ferneamde Russyske satirikus yn de 19e iuw.
Nei de dea fan de dichter Nikolai Nekrasov, waard er redakteur fan it wichtige Russyske tiidskrift "Современникъ" (Sovremennik).
De famylje Golowljow
Saltykov hat in grut oeuvre neilitten, ien wurk dêrút wurdt ta de klassikers fan de Russyske literatuer rekkene: De famylje Golowljow (1880). Dy satiryske sosjale roman giet oer it morele, fysike en geastlike ferfal fan de famylje Golowljow en de Russyske provinsjale adel yn it generaal. “De famylje Golowljow” is in markant foarbyld fan it Russysk kritysk realisme. It boek is een korreksje fan it byld fan de provinsje sa't dat bygelyks troch Tolstoj en Toergenjev oproppen wurdt.
“De familie Golowljow” waard opnaam yn de Russyske Bibleteek fan Utjouwerij Van Oorschot.
Literatuer en boarnen
- E. Waegemans: Russische letterkunde, 1986, Utert
- Karel van het Reve: Geschiedenis van de Russische literatuur, 1985, Amsterdam
- A. Bachrach e.o.: Encyclopedie van de wereldliteratuur, 1980, Bussum
- Maarten Tengbergen: Klassieken van de Russische literatuur, 1991, Utert
This article uses material from the Wikipedia Frysk article Michail Saltykov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.