Cloyne Sint-Kolmankatedraal
De Sint-Kolmankatedraal (Iersk: Ard-Eaglais Naomh Colmán, Ingelsk: St.
Colman's Cathedral) yn Cloyne yn Ierlân is de katedraal fan it bisdom Cork-Cloyne-Ross yn 'e Tsjerke fan Ierlân (Church of Ireland), dat diel útmakket fan 'e tsjerkeprovinsje Dublin. Earder wie it de katedraal fan it bisdom Cloyne, mar hjoed-de-dei is it ien fan 'e trije katedralen fan 'e gearfoege bisdommen fan Cork, Cloyne en Ross.
| Sint-Kolmankatedraal Ard-Eaglais Naomh Colmán | ||
 | ||
 | ||
| Lokaasje | ||
| lân |  Ierlân | |
| provinsje |  Munster | |
| plak | Cloyne | |
| adres | Church Str. | |
| koördinaten | 51° 51' N 8° 7' W | |
| Tsjerklike gegevens | ||
| tsjerkegenoatskip | Tsjerke fan Ierlân | |
| bisdom | Cork-Cloyne-Ross | |
| patroanhillige | Koloman fan Cloyne | |
| Webside | ||
| cork.anglican.org | ||
| Kaart | ||
  | ||
Skiednis
De skiednis fan it bisdom giet werom op de stifting fan in kleaster yn 'e 6e iuw troch de muonts Kolman. De kening fan Munster, Coirpre Cromm mac Crimthainn, stelde foar dat kleaster in stik grûn beskikber. Yn 822, 824 en 885 waard it kleaster plondere troch de Denen.
Op 'e Synoade fan Kells yn 1152 waard Cloyne as bisdom erkend.
De hjoeddeiske tsjerke datearret út 1250 en waard boud op it plak fan âldere bouwurken. Mei de reformaasje waard de katedraal in protestanske tsjerke. Sûnt 1868 waard yn Cobh in roomsk-katolike Kolmankatedraal boud, dy't foltôge waard yn 'e 20e iuw.
Oan 'e oare kant fan 'e wei stiet de "Rûne toer fan Cloyne" út de 10e iuw, dy't as de klokketoer fan de katedraal brûkt waard.
| Boarnen, noaten en/as referinsjes: | ||
| Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Cloyne Cathedral
|
This article uses material from the Wikipedia Frysk article Sint-Kolmankatedraal (Cloyne), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.