Owen Gleiberman
Owen Gleiberman (Lausanne, 24 febrewaris 1959) is in Amerikaansk filmkritikus en publisist.
Hy is de haadfilmkritikus fan it foaroansteande tydskrift Variety.
| Owen Gleiberman | ||
| persoanlike bysûnderheden | ||
| echte namme | Owen Gleiberman | |
| nasjonaliteit |  Amerikaansk | |
| berne | 24 febrewaris 1959 | |
| berteplak | Lausanne (Switserlân) | |
| etnisiteit |  Joadsk | |
| wurkpaad | ||
| berop/amt | filmkritikus, publisist | |
| jierren aktyf | 1981 – no | |
| offisjele webside | ||
| Owen Gleiberman op Twitter | ||
Libben en karriêre
Jonkheid en oplieding
Gleiberman, dy't fan etnysk Joadske komôf is, waard yn 1959 yn it Switserske Lausanne berne út Amerikaanske âlden. Hy waard grutbrocht yn Ann Arbor, yn 'e Amerikaanske steat Michigan. Hy studearre oan 'e Universiteit fan Michigan.
Karriêre
Gleiberman begûn syn sjoernalistike karriêre yn 1981 as filmkritikus foar de krante The Phoenix, dy't útkomt yn trije edysjes yn Portland (Maine), Providence (Rhode Island) en Boston (Massachusetts). Dêr bleau er oant 1989. Dêrnjonken publisearre er yn dy tiid ek yn tydskriften as Premiere en Film Comment. Yn 1990 gied er oan it wurk foar it blêd Entertainment Weekly.
Gleiberman joech guon fan sammele resinsjes út yn in bondel mei as titel Love and Hisses ("Leafde en Ssst", in wurdboarterij, mei ferwizing nei de stilte dy't yn 'e bioskoop betracht wurde moat, op Love and Kisses, "Leafde en Tuten").
Nei't er yn 2014 by Entertainment Weekly opholden wie, waard Gleiberman yn maaie 2016 by it foaroansteande tydskrift Variety oansteld as haadfilmkritikus, in funksje dy't er dielde mei Peter Debruge. Ek bekritisearret er films op 'e radiostjoerders NPR en NY1. Hy is in lid fan 'e New York Film Critics Circle (NYFCC). Yn 2009 publisearre er ûnder de titel Movie Freak syn autobiografy, dy't útkaam by Hachette Books.
Keppelings om utens
- (in) Owen Gleiberman op Twitter
- (in) Folsleine filmografy fan Owen Gleiberman yn 'e Internet Movie Database (IMDb)
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Owen Gleiberman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.