Nils Johan Olsson Blommér, feitlik Nils Jakob Olsson, (12 juny 1816– Rome, 1 febrewaris 1853) wie in Sweedske keunstskilder.
Blommér syn wurkpaad begûn as learling yn Lund; hy eksperimintearre mei portretskilderjen doe't er 20 jier wie. Dat slagge him aardich en yn 1839 hie er genôch jild sparre om nei Stokholm te ferfarren. Dêr naam er de namme Blommér oan en skreau him yn by de Fria konsternas akademi. Nei it winnen fan ferskate prizen fan dy akadeemje krige er yn 1847 in beurs om nei it bûtelân te gean. Hy hâlde in skoft yn Parys ta, mar gie letter nei Itaalje, dêr't er novimber 1852 boaske oan Edla Gustafva Jansson, dy't ek skildere. In pear moanne letter krige er it op it boarst en stoar.
Blommér syn meast ferneamde wurk is grûnfeste op de Noarske mytology en folkloare. Dêr binne Älfdrömmen, Sommarnattsdrömmen, Näcken och Ägirs döttrar, Brage och Iduna, Freja, Loke och Sigyn en Älfvor ûnder.
This article uses material from the Wikipedia Frysk article Nils Blommér, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.