Molkfabryk Freia
Molkfabryk Freia wie de earste molkfabryk yn Fryslân, fêstige te Feanwâlden.
Skiednis
De partikuliere molkfabryk waard oprjochte troch Mindert Bokma de Boer. Yn 1874 hie hy in reis makke troch Denemark. Yn dat lân wienen al molkfabriken.
Yn 1878 waard mei de bou fan it stoommolkfabryk in Feanwâlden begûn en yn septimber 1879 folge de iepening fan Freia. Nei in pear jier mei ferlies draaid te hawwen waard Hero Brouwer fan De Jouwer yn 1882 de nije eigener. Yn 1890 waard it fabryk ferkocht oan Gentius Wybrandi, dy't yn 1905 kaam te ferstjerren. De nije eigener waard Klaas W. Anema. Yn 1918 waard it fabryk oansluten op it elektrisiteitsnet. Yn 1919 hie it bedriiuw mear as fyftich wurknimmers yn tsjinst en wie dêrmei ien fan de grutste molkfabriken yn Fryslân. De famylje Anema bleau oant 1969 eigener fan it bedriuw. It fabryk yn Wynskoat dat it fabryk oernaam beëinige de produksje nei in koarte perioade lykwols al yn 1970.
Yn 1991, mear as tweintich jier nei de sluting, waard it âldste diel fan it fabryk ôfbrutsen en yn it Nederlânsk Iepenloftmuseum yn Arnhim wer opboud. It bedriuwsargyf wurdt bewarre by Tresoar.
This article uses material from the Wikipedia Frysk article Molkfabryk Freia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.