Lolle Klaas Okma (Heech, 5 augustus 1876 - Amsterdam, 29 april 1936) wie in Nederlânsk boargemaster foar de AR.
Okma wie in soan fan feehâlder en politikus Ruurd Klazes Okma (1839-1915) en Tryntsje Douwes Douma (1842-1862). Hy troude mei Alida Bakhuizen (1879-1955).
Okma studearre rjochten en wie nei syn stúdzje earst abbekaat yn Snits, assosearre mei syn broer. Hy wie lid fan de Anty-Revolúsjonêre Partij. Yn 1913 waard hy beneamd as boargemaster fan Frjentsjer. Dêrnei hie hy dit amt yn Wûnseradiel en Kampen. Okma hie meardere byfunksjes.
Okma ferstoar yn de Valeriusklinyk yn Amsterdam, dêr't hy in pear dagen dêrfoar opnomd wie. Hy waard begroeven yn IJsselmuiden. Op syn grêf stiet in monumint mei dêrop syn portret op in plakette. It monumint waard troch de Kamper iisclub T.O.G., dêr't Okma earefoarsitter fan wie, oan de famylje oanbean.
This article uses material from the Wikipedia Frysk article Lolle Klaas Okma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.