Faandrich
In faandrich, yn bûtenlânske kriichsmachten faak in kadet neamd, is in subalterne ofsier fan lege rang yn 'e nasjonale kriichsmacht fan guon lannen.
Dizze rang komt foar by de lânmacht en de loftmacht, hoewol't de wapens fan 'e kavalery en de artillery, dy't ûnderdiel útmeitsje fan 'e lânmacht, de ekwivalinte rang hawwe fan kornet, dy't ek foarkomt by de maresjesee. By de marine en de mariniers ûntbrekt dizze rang eins hielendal, mar kin in faandrich lyksteld wurde oan in luitenant-op-see 3e klasse (marine) of in twadde luitenant (mariniers).
De oansprektitel fan in faandrich is "faandrich". De boppelizzende rang is twadde luitenant, en de ûnderlizzende rang is adjudant. Dêrmei is faandrich de leechste subalterne ofsiersrang. Dêrby moat oantekene wurde dat faandrich yn 'e Nederlânske Striidkrêften gjin by Keninklik Beslút beëdige ofsiersposysje is. De term 'faandrich' komt fan it Dútske Fähnrich, dat fan oarsprong in oantsjutting wie foar de findeldrager fan in militêre ienheid. Dy posysje waard nammentlik fan âlds beklaaid troch de jongste ofsier. Tsjintwurdich is in faandrich in ofsier yn oplieding dy't in soarte fan praktykstaazje folget. Deselde funksje wurdt ek wol 'kadet' neamd.
Skematysk oersjoch
Oersjoch fan 'e faandrichsrangen mei ekwivalinten yn oare kriichsmachtûnderdielen:
| lânmacht en mariniers | marine | loftmacht |
|---|---|---|
| faandrich of kornet1 | luitenant-op-see 3e klasse | faandrich |
Yn de Nederlânske kriichsmacht
(oansprektitels kursyf werjûn)
| Keninklike Lânmacht (KL) | Keninklike Marine (KM) | Keninklike Loftmacht (KLu) | Keninklike Maresjesee (KMar) | ||||
|---|---|---|---|---|---|---|---|
| NATO rang OF-1 | |||||||
 | faandrich faandrich (by de artillery en kavalery: kornet) |  | luitenant-op-see 3e klasse mynhear/mefrou (by it Korps Mariniers: twadde luitenant) |  | faandrich faandrich |  | kornet kornet |
Sjoch ek
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Faandrich, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.