Folkert van der Woude (Snakkerbuorren, 21 oktober 1933 – Grins, 9 septimber 2012) wie in Nederlânske natuerkundige.
Hy wie as heechlearaar eksperimintele natuerkunde fan de fêste stof oan de Ryksuniversiteit Grins ferbûn.
Folkert van der Woude | ||
persoanlike bysûnderheden | ||
echte namme | Folkert van der Woude | |
nasjonaliteit | Nederlânsk | |
berne | 21 oktober 1933 | |
berteplak | Snakkerbuorren | |
stoarn | 9 septimber 2012 | |
stjerplak | Grins | |
etnisiteit | Frysk | |
wurkpaad | ||
aktyf as | natuerkundige | |
jierren aktyf | 1980-1998 heechlearaar natuerkunde |
Van der Woude studearre skiekunde oan de universiteit fan Grins. Nei it foltôgjen fan syn stúdzje begûn er in promoasjetrajekt en yn 1966 promovearre er op it proefskrift Mössbauer spectra and magnetic properties of iron compounds. Yn 1970 waard er oansteld as lektor eksperimintele natuerkunde fan de fêste stof oan de Ryksuniversiteit Grins. Hy hold dy funksje oant en mei 1979 wêrnei't er yn 1980 beneamd waard ta heechlearaar op itselde mêd. Under syn heechleraarskip hat er ek in pear jier dekaan fan de fakulteit wiskunde en natuerwittenskippen west.
Yn 1994 waard er beneamd ta rektor magnifikus, in funksje dy't er oant en mei 1998 ferfolle. Hy waard opfolge troch Doeko Bosscher. Nei it beëinigjen fan syn rektoaraat gie er ek mei emeritaat. Yn septimber 2012 stoar er yn de âldens fan 78 jier.
Boarnen, noaten en/as referinsjes: |
|
This article uses material from the Wikipedia Frysk article Folkert van der Woude, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.