Floaris III (om 1140 hinne – Tyrus,Antiochje, 1 augustus 1190) wie fan 1157 oant 1190 greve fan Hollân.
Floaris folge yn 1157 syn heit Durk VI op as greve fan Hollân. Hy wie in trouwe bûnsgenoat fan de Dútske keizer Freark Barbarossa. Yn 1158 en fan 1176 oant 1178 stie hy de keizer persoanlik by yn syn striid yn Itaalje.
De greven fan Hollân, Gelre en hartochdom Kleef dienen alle mei oan de tredde krústocht. Keizer Freark Barbarossa ferdronk doe't hy in rivier oerstekke soe en greve Floaris III ferstoar net lang nei him op 1 augustus 1190, fan útputting yn Antiochje. Oare boarnen geane der fanút dat hy ferstoarn is oan de pest dy’t yn Antiochje op dat stuit hearske. Hy is te hôf brocht yn de Petrustsjerke fan Antiochje.
Floaris wie troud mei Ada fan Skotlân, de suster fan de Skotske kening Malcolm IV. Hy troude op 28 septimber1162 en tegearre krigen se 10 bern, 5 soannen en 5 dochters.
This article uses material from the Wikipedia Frysk article Floaris III fan Hollân, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.