Finzenis Fan Landsberg
De finzenis fan Landsberg is in finzenis yn Landsberg oan de Lech, in stêd yn it súdwesten fan Beieren yn Dútslân, op sa'n 45 km fan München.
Skiednis
De finzenis fan Landsberg waard yn 1910 iepene. De meast ferneamde finzene wie Adolf Hitler dy't dêr yn 1924 in jier fêst siet nei't de rjochter him skuldich achte oan ferried by de Bierkellerputsch. Under syn finzenskip skreau er mei help fan zijn assistint Rudolf Hess it boek Mein Kampf.
Nei de Twadde Wrâldoarloch siet dêr de War Criminals Prison No. 1 dêr't de Amerikaanske besettingsmacht in protte nazypommeranten fêst hold. Op it finzenisterrein waarden sa'n 290 oarlochsmisdiedigers eksekutearre, ûnder oaren Karl Brandt, haadoanklage yn it sameamde doktersproses, en lieders fan Einsatzgruppen lykas Erich Naumann en Otto Ohlendorf. De lêste eksekúsjes fan nazi-oanhingers wiene mids 1951.
Yn maaie 1958 joech it Amerikaanske Leger it bestjoer fan de finzenis fan Landsberg Prison oer doe't de lêste fjouwer finzenen frijlitten waarden. Dat wiene alle fjouwer eardere hege SS-ofsieren dy't feroardield wiene by de Einsatzgruppen Prosessen tusken 1947 en 1948. Sûnt falt de finzenis fan Landsberg ûnder it Beierske ministearje fan justysje.
 | Ofbylden dy't by dit ûnderwerp hearre, binne te finen yn de kategory Prison in Landsberg am Lech fan Wiki Commons. |
This article uses material from the Wikipedia Frysk article Finzenis fan Landsberg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.