De Overval is in Nederlânske swart-wytfilm út 1962, produsearre troch Rudolf Meyer en regissearre troch Paul Rotha.
It is ien fan de súksesfolste films yn de Nederlânske sinema mei sa'n 1.474.000 besikers. It hat as ynternasjonale titel The Silent Raid.
Lou de Jong skreau it senario op basis fan it Herinneringsalbum dat yn 1945 útkommen wie by de earste betinking fan 'e kreak, de oerfal op 'e Blokhúspoarte yn Ljouwert, in barren dat wol ta de grutste fersetsdieden yn de Twadde Wrâldoarloch rekkene wurdt. Yn WOII wiene wol 80 befrijingsaksjes út finzenissen.
It is 8 desimber 1944. Yn it Hûs fan Bewar yn Ljouwert liket alles rêstich, mar it is bedroch. In groep Nederlânske fersetslju sil 51 fan harren fersetsmaten op spektakulêre wize befrije.
Yn 2019 brocht skriuwer Hessel de Walle by de 75-jierrige betinking it boek De Mannen van de Overval út mei libbenbeskriuwingen fan alle 26 dielnimmers. Yn 2022 kaam syn biografy fan Piet Oberman - de lieder by de Oerfal - út ûnder de titel Piet Oberman De man en de mythe. Yn beide boeken is wiidweidich omtinken foar de film.
Boarnen, noaten en/as referinsjes: |
This article uses material from the Wikipedia Frysk article De Overval (film), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.