La lote pes investiduris al fo un conflît che al viodeve l'imperadôr dal Sacri Roman Imperi cuintri il papât jenfri il 1075 e il 1122 La motivazion di cheste polemiche jere il podê di dâ lis investisions ai vescui.
Tal periodi de Etât di Mieç , la investizion jere il podê di une persone di mêti une atre in possession di alc o di une robe. In tal secul XI, i imperadôrs pensavin che il fât di dâ a un vescul la gjestion di bens materiâls, permeteve di sielzi l'oficiant e lis investisions spirituâls. Cheste lote jenfri il podê temporâl e il podê spirituâl provoche un mancjament dal clero.
La riforme gregoriane ven promulgade cul precîs intent di pocâ il papât a controlâ l'operât dal clero. Ma par i rês dal Sacri Roman Imperi, par i cuai i vescui jerin sogjês a la autoritât imperiâl, la reforme no leve ben. Scomence alore une barufe jenfri l'imperadôr e il pape che viodarâ il podê spirituâl provisoriamenti vitoriôs cuintri il podê temporâl.
Cul ream de dinastie todescje dai Otons jenfri il 919 e il 1024 tal Sacri Imperi Roman, l'imperadôr veve un control totâl parsore la elezion dal pape e la nomenazion dai vescui tal Imperi. Par rindi plui fuarte la proprie autoritât, i imperadôrs todescs podevin dâ une part dal lôr podê regâl ai vescui. Un vescul jere avantagjât dal fât di no vê fîs in ereditât. Chest permeteve a l'imperadôr di recuperâ lis tiaris une volte muart il vassal e di no pierdi lis possessions. Chest al jere ancje un mût di controlâ il vassal, parce le possession des tiaris podeve ancje jessi ritirade. Nâs alore la figure dal vescul-cont che al veve tal stês timp il podê spiritâl e temporâl parsore lis tiaris che veve in gjestion.
This article uses material from the Wikipedia Furlan article Lote pes investiduris, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.