La Cavalarie e je chê part dal esercit componude di soldâts montâts a cjaval.
La cavalarie e fo une vore impuartante inte storie militâr de antighitât fintremai al XIX secul: i soldâts a cjaval a si spostavin plui svelts e a jerin une vore plui fuarts di chei a pît. Tal Nûfcent però, par vie des inovazions tecnologjichis, e pierdè a planc la sô impuartance: di fat cui trens e lis machinis i soldâts a vignivin traspuartâts in mût plui svelt, e lis gnovis armis come la mitraie a trasformarin lis cjariis di cavalarie intune coparie spaventose.
Il periodi di aur de cavalarie al fo la Ete di mieç: il cavalîr medievâl, armât di lance e vistût cuntune pesante armature, al ere il gnerf dai esercits di chê epoche. Cundiplui i cavalîrs a jerin la classe dominante de societât, e la cavalarie medievâl e rapresentave un ideâl di vite che i oms di chê volte a si ispiravin a jê. Ancjemò vuê un grum di paîs a doprin il titul di Cavalîr (ancje la Italie) come titul onorific.
This article uses material from the Wikipedia Furlan article Cavalarie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.