Piemont

Il Piemont al è une regjon de Italie dal Nord che e à 4 milions e mieç di abitants. E confine a Nord cu la Svuizare e la Val d'Aoste, a soreli jevât cun la Lombardie e l'Emilie-Romagne, a Sud cu la Ligurie e a soreli bonât cu la France. Il cjâf lûc al è Turin.

Cheste vôs al è un aboç, che al è stât juste scomençât e al conten dome pocjis informazions. Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete des vôs in cheste condizion, cjale la rispetive categorie. Graciis di cûr!

Piemont
Non ufiziâl par talian	Piemonte
Stât	Italie
Cjâf lûc	Turin
Superficie	25.400 km²
Popolazion	4.350.167 (2006) ab.
Densitât	171 ab/km²
Provincis	Alessandria, Asti, Biella, Cuneo, Novara, Verbano-Cusio-Ossola, Vercelli
Citâts metropolitanis	Turin
President	Alberto Cirio
Sît istituzionâl
Cjale il Progjet regjons

Il Piemont al è la seconde regjon taliane par estension dal teritori, si cjate inte part Nord-ocidentâl de penisule. Al è circondât a Nord e a Soreli bonât da lis Alps e a Sud dai Apenins, acolzint la part plui ocidentâl de Planure Padane.

La zone montagnose e je la plui estese (43,3 par cent dal teritori); il pic plui alt al è la Mont Rose, di 4.634 metris. Ancje se no esist une fasse prealpine, la zone colinâr e ocupe cirche i 3 decims dal teritori: lis areis principâls a son il Canavês, il Monferât e lis Langhis. Dome chestis ultimis a rivin a superâ i 700 metris di altece.

La planure e je dividude de linie des risultivis, come in dut il Nord Italie, in alte e basse.

Il Piemont al à une antighe tradizion industriâl, che començà a svilupâsi za cul Ream di Sardegne, sot il guvier di Cavour.

Al dì di vuê l'agricolture e conte une ocupazion in linie con la medie nazionâl, e e je dedicade soredut ae coltivazion di cereâi (rîs), patatis, jerberave e foraç. L'arlevament al è principalmentri di bovins e suins.

Inte industrie il setôr mecanic al è il plui impuartant, seguît da chel automobilistic (FIAT), tessil e dal turisim. Da ricuardâ la industrie lanarule di Biella, chê dal rîs di Vercelli e chês de cjocolate di Torin.

Il Piemont al è une des regjons con plui alte densitât di feroviis, stradis e autostradis.

Aeropuarts

Il cjâf lûc al è servît dal aeropuart internazionâl di Caselle, logât a 16 km de citât. A esistin aeropuarts minôrs a Cuneo e dongje Biella.

Feroviis

La rêt feroviarie e je une des plui svilupadis dal paîs, e e coleghe lis principâl citâts de regjon - in particolâr Torin - cun Milan, Gjenue, Bologne e con la France e la Svuizare, ancje graciis ai trafôrs dal Frejus e dal Sempione.

Dal mês di fevrâr 2006 e je parzialmentri in esercizi la ferovie a alte velocitât Torin - Milan intal toc Torin Stura - Novara Ovest.

Autostradis

• A4: Torin - Novare (- Milan - Vignesie - Triest)
• A5: Torin - Ivree (- Aoste)
• A6: Torin - Mondovì (- Savone)
• A21: Torin - Asti - Alessandrie (- Bresse di Milan)
• A26: (Gjenue Voltri -) Ovade - Gravellona Toce
• A32: Torin - Bardonecchia

La regjon e je traviersade ancje de autostrade A7 Milan - Gjenue par cuarante chilometris: lis localitâts plui impuartantis tocjadis di chest toc a son Tortona e Novi Ligure.

Al dì di vuê e je in costruzion l'autostrade A33 che e varà di colegâ Cuneo con Asti.

Liste dai components de zonte regjonâl dal mês di Avrîl 2005:

Presidence

• Mercedes Bresso
• Paolo Peveraro - vizi president e assessôr aes ativitâts produtivis

Assessôrs

• Andrea Bairati: universitât, ricercje, inovazions e telecomunicazions
• Daniele Borioli: traspuarts e infrastruturis
• Giovanni Caracciolo: comerci, polizie locâl, protezion civîl
• Sergio Conti: politichis teritoriâls, bens ambientâi
• Sergio Deorsola: federalisim e semplificazion aministrative
• Nicola De Ruggiero: Ambient, parcs e areis protetis
• Giuliana Manica: turisim, sport e paritât sociâl
• Teresa Angela Migliasso: lavôr, imigrazion, volontariât
• Giovanni Oliva: culture, patrimoni e minorancis linguistichis
• Giovanna Pentenero: istruzion e formazion professionâl
• Bruna Sibille: disvilup di montagnis e forestis
• Mino Taricco: agricolture, flore e faune
• Mario Valpreda: sanitât e programazion socio-sanitarie

• Sît ufiziâl de regjon
• Sît dal aeropuart di Torin

Regjons de Italie
Abruç |   Basilicade |   Calabrie |   Campanie |   Emilie-Romagne |   Lazi |   Ligurie   Lombardie |   Marchis |   Molise |   Piemont |   Pulie |   Toscane |   Umbrie |   Venit
cun statût speciâl di autonomie:   Friûl-Vignesie Julie |   Sardegne |   Sicilie |   Trentin-Sud Tirôl |   Val di Aoste